مارتینێز پەیوەندی بە یانەیەکی خولی سعوودییەوە دەکات؟
بەڕێوەبەری کارەکانی وەڵامدەداتەوە
یاریگا –
لاوتارۆ مارتینێز، ئەستێرەی ئەرجەنتین دوا هەڵوێستی خۆی لەبارەی پەیوەندیکردن بە یانەیەکی خولی سعودی ئاشکرا دەکات.
مارتینێز یارمەتی هەڵبژاردەکەیدا بۆ گەیشتن بە قۆناخی 16ی کۆپا ئەمێریکا، کە ئێستا لە ویلایەتە یەکگرتووەکانی ئەمریکا بەڕێوەدەچێت.
لاوتارۆ گۆڵی بردنەوەی ئەجەنتینی لە بەرامبەر کەنەدا کرد و دواتر گۆڵێکی یەکلاییکەرەوەی بەرامبەر چیلی کرد. لاوتارۆ لە هەردوو یاریدا وەک یاریزانی یەدەک بەشداری کرد.
فابریزیۆ رۆمانۆ، رۆژنامەنووسی دیاری گواستنەوەی یاریزانان لە زاری ئالێخاندرۆ کامانۆ، بەڕێوەبەری کارەکانی لاوتارۆ دەڵێت
تەواوی رێگەکانی گواستنەوەی لاوتارۆ بۆ خولی سعودیە داخراون، چونکە لەگەڵ ئینتەر گەیشتووەتە رێککەوتن و گرێبەستەکەی نوێدەکاتەوە.
⚫️🔵🇦🇷 Lautaro Martinez agent Camano: “There’s no chance for a move to Saudi Pro League as we’ve agreed on new deal with Inter”.
“The agreement is done, he’s the captain and this is key for him”, told @winwinallsports. pic.twitter.com/i4BcsJsa33
— Fabrizio Romano (@FabrizioRomano) June 27, 2024
گرێبەستی ئێستای مارتینێز لە هاوینی ساڵی 2026 لە ئینتەر بەسەردەچێت و رەنگە گرێبەستەکەی نوێبکاتەوە.
مارتینێز لە هاوینی ساڵی 2018 لە رایسینگ کڵەبەوە پەیوەندی بە ئینتەر میلان کرد.
لە وەرزی رابردوودا، مارتینێز 27 گۆڵی لەگەڵ ئینتەر لە تەواوی پاڵەوانیەتییەکاندا کرد و بە 24 گۆڵیش بووە گۆڵکاری سێریا ئەی.
