یاسای یاری خاوێن تەنگی بە نیوکاسڵ هەڵچنیووە
یاریگا –
یاسای یاری خاوێن تەنگی بە نیوکاسڵ یونایتد هەڵچنیووە و بە نەچاری دەبێت دەستبەرداری چەند یاریزانێکی ببێت.
نیوکاسڵ بە دۆخێکی سەختدا تێدەپەڕێت، یانەکە لە سەردەمی راهێنەرایەتی ئێدی هاو، نزیکەی 400 ملیۆن پاوەندی خەرجکردووە، ئالێکساندەر ئیساک و برونۆ گویمارێش لەو یاریزانەن، کە رەنگە یانەکە بەناچاری دەستبەرداریان ببێت.
ماڵپەڕی سەن بڵاویکردووەتەوە، پاریس سانجێرمان دەیەوێت دۆخی دارایی نویکاسڵ بقۆزێتەوە و برونۆ بەدەستبهێنێت، پاریسییەکان ئامادەن پارەی مەرجی هەڵوەشاندنەوەی گرێبەستەکەی بدەن کە 100 ملیۆن پاوەندە.
Newcastle face uphill battle to keep hold of superstar Bruno Guimaraes as Arsenal, Man Utd and PSG circle amid FFP woeshttps://t.co/iNibbLBfCx pic.twitter.com/BrRUDhIhrn
— The Sun Football ⚽ (@TheSunFootball) April 3, 2024
جیا لە یانە فەڕەنسییەکە، لە ئینگڵتەڕاش یانەکانی مانچێستەر سیتی، مانچێستەر یونایتد و ئارسیناڵ بە وردی چاودێری بارودۆخی یاریزانەکە دەکەن و نیازیان وایە ئۆفەری پێشکەش بکەن.
لەلایەکی دیکە ئالێکساندەر ئیساکی سویدیش یەکێکی دیکەیە لەو یاریزانانەی ئێدی هاو ترسی هەیە لەدەستی بدادت، گەورەکانی پرێمەرلیگ خۆیان بۆی مات داوە و چاوەڕێی مێرکاتۆی هاوینەن تا کێبڕکێ لەسەر بەدەستهێنانی بکەن.
