یاریگا –
فیڵ فۆدن، ئەستێرەی هەڵبژاردەی ئینگلتەرا و یانەی مانچێستەر سیتی ئینگلیزی باشترین و كاریگەرترین یاریزانی یانەكەی دیاری دەكات.
شەوی رابردوو مانچێستەر سیتی لە یاریگای ئیتیحادی تایبەت بە خۆی میوانداری ئاستۆن ڤێلای كرد و یارییەكەشی بە ئەنجامی چوار گۆڵ بەرامبەر گۆڵێك لێ بردەوە، لە میانی یارییەكانی هەفتەی 31ی پرێمەرلیگ.
لەو یارییەدا فیل فۆدن توانی سێ گۆڵ لە خولەكەكانی 46,62,69 بكات و گۆڵەكەی دیكەش لەلایەن رۆدری تۆماركرا.
FULL-TIME | A big win! 💪#ManCity | @okx pic.twitter.com/8v1poC6mvb
— Manchester City (@ManCity) April 3, 2024
لە لێدوانەكانی دوای یارییەكەدا فۆدن ستایشی ئاستی رۆدری كرد و گوتی:
من ناتوانم بە وشە وەسفی ئەو پیاوە بكەم، دەتوانێت هەموو شتێك بكات، بەڕای من ئەو بە رێژەی %100 باشترین یاریزانی ناوەڕاستی جیهانە، هەموو شتێك دەكات، هەمیشە گۆڵ دەكات و دەتوانێت لە نزیك ناوچەی سزا یاریزان ببڕێت.
من هیچ لاوازییەك لە شێوازی یاریكردنیدا نابینم، بەڕای من گرنگترین یاریزانی مانچێستەر سیتیە، كاتێك نەبێت جیاوازییەكی گەورە درووست دەكات.
🙌🙌
🩵 2-1 🟣 #ManCity pic.twitter.com/cb7PttiIY9
— Manchester City (@ManCity) April 3, 2024
ئارسیناڵ بە كۆكردنەوەی 68 خاڵ لە پێشەنگی ریزبەندی و لیڤەرپوول و مانچێستەر سیتیش بە 67 خاڵ لە پلەی دووەم و سێیەم دێن، لە كاتێكدا رێدز یارییەك كەمتری كردووە.
