یاریگا –
راپۆرتە رۆژنامەوانیەكانی ئیسپانیا ئاشكرایانكرد، یەكێك لە ئەستێرەكانی هێڵی بەرگری ریال مەدرید بەشداری لە راهێنانەكانی یانەكەی پێش یاری كۆتایی جامی سوپەری ئیسپانیا نەكردووە.
وا بڕیارە رۆژی یەكشەممە كاتژمێر 22:00 بە كاتی كوردستان ریال مەدرید و بارسێلۆنا لە یاریگای ئەوەل پارك، لە یاری كۆتایی سوپەری ئیسپانیا رووبەڕووی یەك ببنەوە.
#ÚltimaHora ‼️ Carvajal no se entrena con el grupo.
El lateral del Real Madrid no está presente en la sesión de entrenamiento previa a la final de la Supercopa, que se disputará el domingo 14 de enero.
🎥 @super_martinez pic.twitter.com/JlMflDxU7F
— Relevo (@relevo) January 12, 2024
بەپێی زانیاریەكانی تۆڕی رێلیڤۆ، دانی كارڤاخال بەشداری لە راهێنانە بەكۆمەڵەكانی رۆژی هەینی یانەكەیی نەكردووە.
هەمان سەرچاوە ئاماژەی بەوەشكردووە، ئەستێرە ئیسپانیەكە بە تەنیا لە هۆڵی وەرزشی راهێنانەكانی كردووە.
یانەكە تا ئێستا هەڵوێستی یاریزانەكەی ئاشكرا نەكردووە بەوەی كە دەتوانێت بەشداری لە یاری كۆتاییدا بكات یاخود نا.
لە یارییەكانی قۆناخی پێش كۆتایی جامی سوپەری ئیسپانیا بارسێلۆنا لە ئۆساسونای بردەوە و ریال مەدریدیش لە ئاتلێتیكۆ مەدریدی بردەوە.
