یاریگا –
ئێرلینگ هالاند، ئەستێرەی تۆپی پێی هەڵبژاردەی نەرویج و یانەی مانچێستەر سیتی ئینگلیزی ئاشكرایكرد لەو ماوەی دواییدا هەستی بە بێزاری كردووە.
شەوی رابردوو قوبڕس لە یاریگای خۆیدا میوانداری نەرویجی كرد و یارییەكەش بە ئەنجامی چوار گۆڵی بێ وەڵام لە بەرژەوەندی یانەی میوان كۆتایی هات، لە میانی پاڵاوتنەكانی گەیشتن بە یۆرۆی 2024.
هالاند توانی گۆڵی دووەم و سێیەمی یانەكەی لە خولەكەكانی 65 و 72 تۆمار بكات.
بەوەش هێرشبەرە لاوەكەی نەرویج توانی لە دوای سێ یاری بێدەنگی بشكێنێت و بگەڕێتەوە گۆڵ كردن.
Erling Haaland's goalscoring record for Norway is ridiculous 👀 🇳🇴 pic.twitter.com/QH36ORvF7D
— ESPN UK (@ESPNUK) October 13, 2023
لە دوای یارییەكە هالاند ووتی: بێگومان پاڵپشتی گشتی هاندەران بەرز دەنرخێنم، ئەمەش ئەوەیە كە لە سەرەتایی كارەكانمدا هیوام بۆ دەخواست بۆیە گلەی لەوە ناكەم.
بەردەوام بوو ووتیشی: بەڵام هەستم بە بێزاری دەكرد، چونكە دووبارە بوونەوەی بەردەوامی ناوەكەم بێزارم دەكات، بەڵام ئەمە لە تۆپی پێدا روودەدات و ناتوانم هیچ بكەم.
هالاند لە كۆی 27 یاری لەگەڵ هەڵبژاردەی وڵاتەكەی توانیویەتی 27 گۆڵ بكات.
