رۆژنامەی بیڵد کە گەورەترین میدیای ئەڵمانیایە داوای دوورخستنەوەی راهێنەری هەڵبژاردەی مانشافت هانسی فلیک دەکات.
ئەڵمانیا لە جامی جیهانیدا هەرزوو کرایە دەرەوە لە قۆناغی کۆمەڵەکاندا. پاش ئەو پاڵەوانێتییەش شەش یاری ئەنجامداوە و تەنها یەکێکیانی بردووەتەوە.
نوێترین شکستییان شەوی رابردوو بەرامبەر ژاپۆن لە یارییەکی دۆستانەدا بە ئەنجامی 4-1.
بیڵد لە ماڵپەڕی فەرمی خۆیان بە گەورەیی نوسیوییانە
تەنها چوار بردنەوە لە کۆتا 17 یاریدا و ئاستێکی ئابڕووبەر لە جامی جیهانی دا. فلیک خراپترین راهێنەری مێژووی ئەڵمانیایە. ئیدی بەسە و هیچ بژاردەیەکی دیکە نیە جگە لە دوورخستنەوەی
بیڵد دەشڵێت
فلیک هەموو رێگایەکی تاقیکردەوە و سەرجەمیان شکست خواردوبوون. بە تەواوی هەستی بردنەوە و متمانە بەخۆبوونی لە یاریزانەکاندا کوشتووە. چانس یاوەرمانە کە میوانداری یۆرۆین ئەگەر نا رەنگە نەگەیشتباینە کۆتاییەکان.
فلیک دوای شکستەکەی ژاپۆن وتی
من راهێنەرێکی دروستم بۆ ئەڵمانیا
