ئیتاڵیا
لوکاکو داهاتووی خۆی یەکلاکردەوە
یاریگا-رۆمێلو لوکاکو ئاشکرایکرد دەچێتە رۆما و پەیوەندی بە گورگەکانی پایتەختەوە دەکات.
بەدرێژایی هاوینی ئەمساڵ چارەنووسی لوکاکوی هێرشبەری چێڵسی لە نێوان ئینتەر و یوڤێنتۆس دابوو، بەڵام لە کۆتا رۆژەکانی دەرگای گواستنەوەدا، پەیوەندی بە رۆماوە دەکات.
ئەمڕۆ کوڕەکەی لوکاکو لە پاڵەوانێتییەکی لاواندا بەشداربوو، میدیا هێت لاتسی وڵاتەکەی ئەم هەلەی قۆزتەوە و پرسیاری داهاتووی خۆی لێکرا. ئەویش لە وەڵامدا وتی “بەرەو رۆما بەڕێدەکەوم تاوەکو پەیوەندی بەو یانەیەوە بکەم”.
ئەمە لە کاتێکدایە، یانە ئیتاڵییەکە دوێنێ سەردار ئەزمونی هێرشبەری لیڤەرکوسنی گواستەوە و هاوکات خاوەنی تامی ئەبراهام و بێلۆتییە.
