بێرناردۆ سیلڤا گرێبەستەکەی نوێ کردەوە
یاریگا –
بێرناردۆ سیلڤا ئەستێرەی پۆرتوگالی یانەی مانچێستەر سیتی، گرێبەستەکەی لەگەڵ یانە ئینگلیزییەکە نوێ کردەوە.
پێش چەند رۆژێک رۆژنامەنوسی ئیتاڵی فابریزیۆ رۆمانۆ ئاماژەی بە نوێ کردنەوەی گرێبەستی یاریسازەکەی مان سیتی کرد و ئەمڕۆ هەواڵەکەی فەرمی کرد و رایگەیاند سیلڤا گرێبەستەکەی تاوەکوو هاوینی 2026 نوێ دەکاتەوە.
It had to be this week… and it will be this week. Bernardo Silva signs new deal at Manchester City today 🔵✍🏻🇵🇹 #MCFC https://t.co/EFPcPyNgf7
— Fabrizio Romano (@FabrizioRomano) August 22, 2023
پێشتر یانەی بارسیلۆنای ئیسپانی خواستیکی زۆری لەسەر ئەو یاریزانە هەبوو و دەیویست بیگوازێتەوە تیپەکەی و هەروەها سیلڤاش رازی بوو بە پەیوەندی کردن بە یانە کەتەلۆنیەکە، بەڵام دواجار بەهۆی نالەباری باری دارایی بارسێلۆنا ئەم گواستنەوەیە سەرکەوتوو نەبوو.
بێرناردۆسیلڤا، نازناوێکی چامپیۆنزلیگ، 5 نازناوی پرێمەرلیگ، 4 نازناوی کاراباو کەپ، 2 نازناوی جامی یەکێتی ئینگڵتەڕا و 2 نازناوی جامی قەڵغانی ئینگڵتەڕای لەگەڵ یانە ئینگلیزییەکە بەدەستهێناوە.
