یاریگا –
پێكهاتەی پێشبینیكراوی هەردوو راهێنەر برۆنۆ سالتۆر راهێنەری چێڵسی و یۆرگن كلۆپ راهێنەری لیڤەرپوول پێش یارییەكەی نێوانیان.
وا بڕیارە ئەمشەو كاتژمێر 22:00 بە كاتی كوردستان چێڵسی لە یاریگای ستامفۆرد بریجی تایبەت بە خۆی میوانداری لیڤەرپوول بكات، لە میانی یارییە دواخراوەكەی هەفتەی هەشتەمی نێوانیان.
لەم وەرزەدا هەردوو یانە بە ئاستێكی خراپدا تێدەپەڕن و لیڤەرپوول بە كۆكردنەوەی 42 خاڵ لە ریزبەندی هەشتەمە و چێڵسیش بە كۆكردنەوەی 38 خاڵ لە پلەی یانزەیەمە.
بلوز بۆ ئەو یارییە لە تواناكانی هەریەك لە تیاگۆ سێلڤا، سیزار ئەزپیلیكویتا، ئارماندۆ برۆخا، ئیمیریك ئۆبامیانگ و ئێدوارد مێندی بێ بەش دەبێت و بەشداریكردنی هەریەك لە رەحیم ستیرلینگ و ویسلی فۆفاناش گومانی لەسەرە.
پێش ئەو یاریە چێڵسی گراهام پۆتەری راهێنەری یانەكەی لە پۆستەكەی دوورخستەوە و برۆنۆ سالتۆر بە شێوەی كاتی و تا كۆتایی وەرز جێگای گرتوەتەوە.
هەروەها رێدز لە تواناكانی هەریەك لە تیاگۆ ئەلكانتارا ، ستیڤان بایجێتیچ ، لویس دیاز ، نابی كەیتا و كاڵڤین رامزی بێ بەش دەبێت.
پێكهاتەی پێشبینیكراوی چێڵسی:
گۆڵپارێز: كیپا
هێڵی بەرگری: جەیمس ، فۆفانا ، كۆلیبالی ، بادیاشێل ، چێلوێل
هێڵی ناوەند: كانتێ ، ئینزۆ ، كۆڤاسیچ
هێڵی هێرشبردن: كای هاڤێرتز ، جواو فیلیكس
پێكهاتەی پێشبینیكراوی لیڤەرپوول:
گۆڵپارێز: ئەلیسۆن
هێڵی بەرگری: تسیمكاس ، ڤان دایك ، كۆناتێ ، ئاڕنۆڵد
هێڵی ناوەند: هەندرسۆن ، فابینیۆ ، میلنەر
هێڵی هێرشبردن: نونێز ، فێرمینیۆ ، سەڵاح
