یاریگا
چاڤی هێرناندێزی ئیسپانی و راهێنەری یانەی بارسێلۆنا لیستی یاریزانە بانگهێشتكراوەكانی یانەكەی بۆ یارییەكەیان بەرامبەر كادێز بڵاوكردەوە.
وا بڕیارە سبەینێ یەكشەممە كاتژمێر 23:00 بە كاتی كوردستان بارسێلۆنا لە یاریگای سپۆتیفای كامپ نۆو میوانداری كادێز بكات، لە میانەی یارییەكانی هەفتەی بیست و دووەمی خولی ئیسپانیا.
بارسێلۆنا بە كۆكردنەوەی 56 خاڵ پێشەنگی ریزبەندی لالیگای گرتووە و كادێزیش بە كۆكردنەوەی 22 خاڵ لە ریزبەندی شانزەیەم دایە.
بۆ ئەو یارییە یانە كەتەلۆنییەكەوە تواناكانی سێرجیۆ بۆسكێتسی ئیسپانی و كاپتنی یەكەمی یانەكەی بۆ گەڕاوەتەوە دوای ئەوەی لە چەند یاری رابردوودا بەهۆی پێكانەوە نەیتوانی بەشداری بكات.
لیستی یاریزانە بانگهێشتكراوەكانی بارسێلۆنا:
تێر شتیگن، بۆسكێتس ، گاڤی ، لیڤاندۆڤسكی ، فاتی ، فێران ، پینا ، كریستینسن ، ئەلۆنسۆ ، ئەلبا ، كیسێ ، رۆبێرتۆ ، دی یۆنگ ، رافینها ، كۆندی ، گارسیا ، باڵدی ، تۆرێ، تیناس ،ئالاركۆن.
