یاریگا–
لیۆنێل مێسی، هێرشبەری ئەرجەنتینی یانەی پاریس سانجێرمانی فەرەنسا تاوەکو ئێستا گرێبەستەکەی نوێ نەکردووەتەوە.
جێرارد رۆمێرۆ رۆژنامەنوسی کەتەلۆنی بڵاویکردەوە، لیۆ تاوەکو ئێستا ئامادەنەبووە گرێبەستەکەی لەگەڵ یانەکەی نوێ بکاتەوە، ئەو یاریزانە سێ بژاردەی لە پێشە و نایەوێت پەلە لە بڕیاردان بکات. بژاردەی یەکەم گەڕانەوە بۆ خولی وڵاتەکەیەتی. بژاردەی دووەم چوون بۆ خولی ئەمریکا و سێییەمیش گەڕانەوە بۆ بارسێلۆنایە.
مێسی هاوینی ئەمساڵ گرێبەستەکەی لەگەڵ پاریس سانجێرمان کۆتایی دێت و ئەگەر گرێبەستەکەی نوێ نەکاتەوە، ئەو کات دەتوانێت بێ بەرامبەر یانەکەی جێبێڵێت.
