یاریگا–
میرالیم پیانیچ، ناوەڕاستکاری بۆسنی یانەی بارسێلۆنای ئیسپانیا کامپی ئامادەکارییەکانی یانەکەی کە ئەمریکا جێهێشت و گەشتی نیسی فەرەنسای کرد.
رۆژنامەی مۆندۆ دێپۆرتیڤۆی ئیسپانی بڵاویکردەوە، ناوەڕاستکارەکەی بلاوگرانا بەهۆی لەدایکبوونی دووەم منداڵی، کامپی ئامادەکارییەکانی یانەکەی جێهێشت و گەشتی شاری نیسی فەرەنسای کردووە و، بریاریشە بە زوترین کات پەیوەندی بە یانەکەی بکاتەوە.
بارسێلۆنا بەرەبەیانی چوارشەممە لە یەکەم یاری ئامادەکاری رووبەڕووی ئینتەر میامی ئەمریکی دەبێتەوە و دواتر رۆژی یەک شەممەی داهاتوو رووبەڕووی ریال مەدرید دەبێتەوە.
