تەمەنێکی بچووک و ریکۆردێکی گەورە؛ ئەوەی مایسترۆکەی مەغریب کردی، زیاتر لە نیو سەدەیە نەکراوە
یاریگا –
شەو رابردوو یەکەم یاریی کۆمەڵەی سێیەم لەنێوان هەڵبژاردەکانی بەڕازیل و مەغریب بە یەکسانبوونی 1-1 بۆ هەردوولا کۆتایی هات.
20 خولەکی یەکەمی یارییەکە نوێنەرەکەی ئەفریقا سوودیان لە باڵادەستی خۆیان بینی و لە خولەکی 21ی یارییەکەدا لە رێگەی ئیسماعیل سیباری گەیشتنەسەر تۆڕەکەی ئالیسن بەیکەر.
دیمەنی گۆڵەکە:
بەڕازیلیەکان درکیان بە مەترسیەکانی مەغریب کرد و خۆیان رێکخستەوە، تا 11 خولەک دواتر لە رێگەی ڤینیسیۆسەوە ئەنجامەکەیان یەکسانکردەوە.
دیمەنی گۆڵەکە:
ئەگەرچی هێرشبەرە بەڕازیلیەکە وەک باشترینی یارییەکە دەستنیشانکرا، بەڵام ئەوەی لە هەمووان زیاتر رۆشانەییەکانی بەلای خۆیدا راکێشا، ئەیوب بوعدی ناوەراستکاری شێرەکانی ئەتڵەس بوو.
بوعدی کە تازە تەمەنی 18 ساڵە، وەک مایسترۆیەکی بەئەزموون دەرکەوت. بەجۆرێک، تۆڕەکانی تایبەت بە ئامار و ژمارە پێوانەییەکان ئەوەیان دەرخستووە کە ناوبراو لە بەرامبەر ئەستێرەکانی سامبدا توانیویەتی زیاتر لە 60 بدات.
تۆڕی ئۆپتا نووسیویەتی، لە تەمەنی 18 ساڵ و 254 رۆژیدا، بووەتە دووەم لاوترین یاریزان بتوانێت لە یارییەکی فیفادا زیاتر لە 50 پاس بدات. ئەوەش ئامارێکە کە لە ماوەی 60 ساڵی رابردوودا رووینەداوە.
60 – Ayyoub Bouaddi completed 60 passes for 🇲🇦 Morocco against 🇧🇷 Brazil.
At 18 years and 254 days, he’s the second youngest player to complete 50+ passes in a FIFA World Cup match in the last 60 years.
Skilled. pic.twitter.com/M4DAn2wznO
— OptaJoe (@OptaJoe) June 14, 2026
ئەیوب کە ئێستا لە یانەی لیلی فەڕەنسیە، چاوی یانە گەورەکانی لەسەرە. لە لێدوانێکیدا سەبارەت بەوەی یانەکانی دیکە خواستیان لەسەرە، وتی
من زۆر دڵخۆشم کە هەندێ یانەی دیکە خواستیان لە من هەیە، بەڵام بۆ ئێستا هەموو هۆشم لەسەر جامی جیهانیە کە دەمانەوێت هەمووشتێکی خۆمان پێشکەش بکەین.
🚨 Excl: Ayyoub Bouaddi on future amid growing interest in Lille & #Morocco midfielder – “I’m really happy to know that some clubs are interested in me but for now I’m only focused on the WC and we will try to give everything to do our best” @TheAthleticFC https://t.co/4wSOvZxzaY pic.twitter.com/yVlM5kTrIJ
— David Ornstein (@David_Ornstein) June 14, 2026
