ریال مەدرید ئامادەنیە دەستبەرداری کرووس بێت

یاریگا–
پاش ئەوەی دەنگۆی ئەوە بڵاوبووەوە گوایە تۆنی کرووس ناوەڕاستکاری یانەی ریال مەدریدی ئیسپانیا نایەوێت گرێبەستەکەی لەگەڵ یانەکەی نوێ بکاتەوە، کاردانەوەی کارگێری یانەکەی لێکەوتەوە.

رۆژنامەی سپۆرتی کەتەلۆنی بڵاویکردەوە، فلۆرێنتینۆ پێرێزی سەرۆکی یانەکە و کارلۆ ئەنچیلۆتی راهێنەر نایانەوێت دەستبەرداری ناوەڕاستکارەکەیان بن. ئەوان پێیانوایە تا ئێستاش یەکێکە لە باشترین یاریزانانی هێڵی ناوەڕاستی جیهان و بوونی ئەو بۆ تیپەکە زۆر گرنگە.

جگە لەوەش کرووس دەتوانێت یارمەتیدەر بێت بۆ ئەوەی لە تەنیشت ئەوەوە گەنجەکان گەشە بکەن و فێری زیاتر بن.