یاریگا-
ئیدین هازاردی بەلجیكی و ئەستێرەی یانەی ڕیاڵ مەدریدی ئیسپانی دووپاتیكردەوە كە بیری لە جێهێشتنی یانەكەی نەكردووەتەوە.
بەهۆی پێكانە یەك لە دوای یەكەكانەوە هازارد نەیتوانیوە بە شێوەیەكی هەمیشەیی بە شداری یاریەكانی یانەكەی بكات.
لە لێدوانیدا بۆ تۆڕی ” levanir sport ” ی بەلجیكی هازارد ووتی: هەرگیز بیرم لە جێهێشتنی ڕیاڵ مەدرید نەكردووەتەوە ، وەرزی داهاتوو ئەو ئیدین هازاردە دەگەڕێتەوە كە ناسیبووتان.
سەبارەت بە باڵۆندۆری ئەم وەرزە ئەستێرە بەلجیكیەكە ووتی: كۆرتوا ، دی برۆین ، سادیۆ مانێ و ڤینیسیۆس وەرزێكی نایابیان بەڕێكرد، بەڵام بێنزیما پاڵێوراوی سەرەكیە بۆ بردنەوەی خەڵاتەكە.
