یاریگا-
ماوریسیۆ ئەریفابینی ، بەڕێوەبەری جێبەجێكاری یانەی یوڤێنتوسی ئیتاڵی باس لە داهاتووی پاولۆ دیبالای ئەرجەنتینی و ئەستێرەی یانەكەیان دەكات.
گرێبەستەكەی دیبالا لەگەڵ یوڤێنتوس لە هاوینی ئەمساڵدا بەسەردەچێت.
ئەریفابینی لە لێدوانیدا بۆ پێگەی تۆتۆ مێركاتۆ ووتی: گرنگترین گۆڕانكاری ئەوەیە كە یوڤێنتوس گرێبەستی پاولۆ دیبالا نوێ ناكاتەوە.
هەروەها ووتیشی: لەو گرێبەستانەی كە ئەنجامماندا لە زستاندا و هاتنی ڤلاهۆڤیچ دیبالا جێگایەكی بۆ نەما لە پڕۆژەی یانەكەدا ، هیچ كەس گومان لە تواناكانی پاولۆ ناكات ، شتەكان جیاوازن.
لەكۆتایشدا ووتی: بە گرێبەستەكانی مانگی یەك گەشتینە ئێرە و ئاسانیشە بۆ یوڤێنتوس ئۆفەرێكی كەمتری پێشكەش بكات ، بەڵام ئەوە ناخۆش دەبێت بۆ دیبالا ، دوای كۆبونەوەیەكی دۆستانە گەشتینە ئەو بڕیارە.
