یاریگا-
ڕۆژنامەی ماركای ئیسپانی ئاشكرایكرد كیلیان ئیمباپێی فەڕەنسی و ئەستێرەی یانەی پاریس سان جێرمانی فەڕەنسی لە گواستنەوەكانی هاوینەی 2022 بە خۆڕایی پەیوەندی بە ڕیزەكانی ڕیاڵ مەدریدی ئیسپانیەوە ناكات.
پاریس سان جێرمان ڕازی نەبوو بە هیچ كام لە ئۆفەرەكانی ڕیاڵ مەدرید بۆ دەستبەرداربوون لە كیلیان ئیمباپێ ، كە كۆتا ئۆفەر بۆ پاریسیان نارد 200 ملیۆن یۆرۆ بوو بەڵام ئەویشیان ڕەتكردەوە.
ڕیاڵ مەدرید ئامانجی ئەوەیە لە گواستنەوەكانی هاوینی داهاتوودا بە خۆڕایی یاریزانەكە بگوازێتەوە ڕیزەكانی.
ڕۆژنامەی ماركا ئاشكرایكرد ڕیاڵ مەدرید دەیەوێت خەڵاتێكی گەورە بدات بە ئیمباپێ دوای ئەوەی لە هاوینی داهاتوودا گواستیەوە ڕیزەكانی ، سەرچاوەكانی نزیك لە ڕیاڵ مەدرید و بریكارەكانی یاریزانەكە بڕوایان بەوە هەیە كە خەڵاتی واژۆكردنی گرێبەست لەگەڵ ئیمباپێ دەگاتە 80 ملیۆن یۆرۆ.
