مباپێ بە هیچ شتێک رازی نیە

یاریگا–
کلیان مباپێ، هێرشبەری فەرەنسی یانەی پاریس سانجێرمانی ئەم وڵاتە جارێکی دیکە داوای یانەکەی بۆ نوێکردنەوەی گرێبەستەکەی رەتدەکاتەوە.

رۆژنامەی وەرزشی مارکای ئیسپانیا زانیاری دەستکەتووە، گۆڵکارە لاوەکەی شازادەکان لەلایەن کارگێری یانەکەی داوای لێکراوە بۆ ماوەی شەش ساڵ گرێبەستەکەی نوێ بکاتەوە و لەم شەش ساڵەش مووچەکەی هاوتای مووچەی نێیمار داسیلڤا یاریزانی بەڕازیلی یانەکەی دەکرێت، بەڵام ئەو یاریزانە بە هیچ شتێک رازی نیە و ئەمجارەش داواکاری یانەکەی رەتکردووەتەوە.

مباپێ هاوینی ساڵی داهاتوو گرێبەستەکەی لەگەڵ پاریس سانجێرمان کۆتایی دێت، ئەو یاریزانە هەموو هەوڵێک دەدات بۆ ئەوەی ئەم هاوینە یاخود هاوینی داهاتوو ریزەکانی یانەکەی جێبێڵێت و پەیوەندی بە یانەی ریال مەدریدی ئیسپانیاوە بکات.