یاریگا–
یانەی بایرن میونشنی ئەڵمانیا ناوی ئەو یاریزانە بڵاوکردەوە کە لەلایەن هاندەرانی یانەکەیان وەکو باشترینی وەرزی رابردوو هەڵبژێردراوە و رۆبێرت لێڤاندۆڤسکی توانی ئەو ناسناوە بەدەست بێنێت.
ماڵپەری فەرمی یانەی بایرن میونشنی ئەڵمانیا ناوی باشترین یاریزانی وەرزی رابردووی بڵاوکردەوە و گۆڵکاری پۆڵەندی یانەکەیان بە کۆکردنەوەی %76.8 دەنگی هاندەرانی یانەکەی توانی ئەو ناسناوە بەدەست بێنێت. دوای ئەو یاریزانە توماس مولەر بە کۆکردنەوەی %10.3 پلەی دووەمی بەدەست هێنا و پلەی سێیەمیش کیمیچ بە کۆکردنەوەی %6.9 و جەمال موسایلا %1.9 و مانوێل نۆیەر %1.8 و هەروەها گۆرێتسکا %1.8ی دەنگەکانیان بەدەست هێنا.
رۆبێرت لێڤاندۆڤسکی پۆڵەندی وەرزی رابردوو توانی لە رکابەرییەکانی بۆندزلیگای ئەڵمانیا بە تۆمار کردنی 48 گۆڵ لە 40 یاریدا ناسناوی گۆڵکاری خولەکەش بەدەست بێنێت.
