یاریگا-
ساموێل ئیتۆ ، ئەفسانەی هەڵبژاردەی كامیرۆن و هێرشبەری پێشووی یانەی بارسێلۆنای ئیسپانی باس لە یانەی داهاتووی سێرجیۆ ڕامۆس كاپتنی پێشووی یانەی ڕیاڵ مەدریدی ئیسپانی دەكات.
ڕیاڵ مەدرید بە شێوەیەكی فەڕمی ڕۆشتنی ڕامۆسی لە ڕیزەكانی یانەكەی ڕاگەیاند و تا ئێستاش یاریزانەكە بێ یانەیە.
سەبارەت بە داهاتووی ڕامۆس ساموێل ئیتۆ بۆ ڕۆژنامەی ”ئاس” ووتی: ئەگەر من لە شوێنی ئەو بوومایە گرێبەستم لەگەڵ بارسێلۆنا واژۆ دەكرد.
هەروەها ووتیشی: ئەگەر ئەوە ڕووینەدا ئەوا پەیوەندی بە پاریس سان جێرمانەوە بكات ، دەزانم هاوكاری یانەكە دەكات لە بردنەوەی چامپیۆنسلیگ.
سەرەڕای ئەوەی یاری بۆ پاریس سان جێرمان نەكردووە ئیتۆ ڕایگەیاند یەكێكە لە هاندەرەكانی یانە فەڕەنسیەكە.
