یاریگا–
مێمفیس دیپای، هێرشبەری هۆڵەندی یانەی ئۆڵمپیک لیۆنی فەرەنسا ئامانجی هێلی پێشەوەی یانەی بارسێلۆنای ئیسپانیایە و دەنگۆیەک هەیە کە هەفتەی داهاتوو گواستنەوەی بۆ ریزەکانی ئەو یانەیە یەکلایی بکرێتەوە.
رۆژنامەی وەرزشی مۆندۆدێپۆرتیڤۆی نزیک لە یانە کەتەلۆنیەکە زانیاری دەستکەوتووە، کارگێری ئەو یانەیە کۆتاییان بەهەموو شتێک لەگەڵ بەرێوەبەری کارەکانی یاریزانە هۆڵەندیەکە هێناوە و ئەو یاریزانە هەفتەی داهاتوو بەفەرمی پەیوەندی بەم یانەیەوە دەکات، پێش ئەوە جامی نەتەوەکانی ئەوروپا دەست پێ بکات.
دیپای کۆتایی ئەم مانگە گرێبەستەکەی لەگەڵ ئۆڵمپیک لیۆنی فەرەنسا کۆتایی دێت و ئامادەش نیە گرێبەستەکەی نوێ بکاتەوە، بۆیە بێ بەرامبەر و بە موچەیەکی ساڵانە پەیوەندی بە یانەی بارسێلۆنا دەکات.
