یاریگا-
كەریم بێنزیمای فەڕەنسی و هێرشبەری یانەی ڕیاڵ مەدریدی ئیسپانی باس لە پەیوەندیكردنی كیلیان مباپێی هاونیشتیمانی و ئەستێرەی پاریس سان جێرمان دەكات بە ڕیزەكانی ڕیاڵ مەدریدەوە.
لە لێدوانیدا بێنزیما بۆ ڕادیۆی مۆنتی كارلۆی فەڕەنسی ووتی: ئەگەر مباپێ پەیوەندی بە ڕیاڵ مەدریدەوە بكات ئەوا زۆر نایاب دەبێت ،هەمووان دەیانەوێت یاریزانەكە پەیوەندی بە ڕیاڵەوە بكات ، هیوادارم ئەوە بە زووترین كات ڕووبدات ، ئەو یاریزانێكی نایاب و خێرایە ، لە توانایدیە هەموو شتێك ئەنجام بدات.
شایەنی باسە گرێبەستەكەی مباپێ لەگەڵ پاریس لە ساڵی 2022 بەسەردەچێت و یاریزانەكە ڕەتیدەكاتەوە گرێبەستەكەی لەگەڵ یانە پاریسیەكە نوێ بكاتەوە.
