یاریگا–
کریستیانۆ رۆناڵدۆ، گۆڵکاری پۆرتوگاڵی یانەی یۆڤێنتۆسی ئیتاڵیا دوای کرانە دەرەوەیان لە چامپیۆنزلیگ بێ دەنگی شکاند.
یاریزانە پۆرتوگاڵیەکە لە تۆڕی کۆمەڵایەتی ئینستاگرام پەیامێکی بڵاوکردووە و نوسیویەتی ” گرنگتر لە شکستەکان ئەویە بتوانیت چۆن هەڵسیتەوە و بە خێرایی لەسەر قاچەکانت بوەستیتەوە، پاڵەوانی راستەقینە هەرگیز شکست ناهێنێت، ئێستا تەنها بیر لە یارییەکەی بەرامبەر کالیاری لە سێریائەی و فاینەڵی جامی ئیتاڵیا و هەموو ئەو شتانەیە کە هەوڵی بەدەست هێنانی دەدەین”.
دوای دۆڕانی یۆڤێنتۆس بەرامبەر پۆرتۆ لە قۆناخی شازدەی چامپیۆنزلیگ، دەنگۆیەکی بەهێز بڵاوبووەتەوە کە رۆناڵدۆ دەیەوێت بگەڕێتەوە ریزەکانی یانەی ریال مەدرید.
