کاردانەوەی رۆناڵدۆ لەسەر یاریی بەرامبەر پۆرتۆ

یاریگا–
کریستیانۆ رۆناڵدۆ، یاریزانی پۆرتوگاڵی یانەی یۆڤێنتۆسی ئیتاڵیا تویتێکی لەسەر یاریی شەوی داهاتووی یانەکەی بەرامبەر پۆرتۆ لە چامپیۆنزلیگ کردووە.

دۆن لە تویتەکەیدا نوسیویەتی “شەوی داهاتو یارییەکی قورسمان بەرامبەر یانەیەکی بە هێز هەیە، هیوادارم رێگایەکی درێژمان لە پێش بێت و تاوەکو یاریی کۆتایی سەرکەوین، رێزێکی زۆرمان بۆ بەرامبەرەکەمان هەیە، بەڵام هەموو ئامانجمان 100% سەرکەوتنە لەم یارییەدا، هاوڕێیان هەموومان پێکەوە بۆ سەرکەوتن”.

یۆڤێنتۆس شەوی داهاتوو لە یاریی چوونی قۆناخی شازدەی چامپیۆنزلیگ، لە دەرەوەی یاریگای خۆیان رووبەڕووی یانەی پۆرتۆی پۆرتوگاڵی دەبێتەوە.