زەیدان: بنزیما باشترین هێرشبەرە لە مێژووی فەڕەنسادا
یاریگا- زەینەدین زەیدانی فەڕەنسی و ڕاهێنەری یانەی ڕیال مەدریدی ئیسپانی ستایشی ئاستی كەریم بنزیمای هێرشبەری هاونیشتیمانی دەكات.
ڕیاڵ مەدرید توانی بە سێ گۆڵ بەرامبەر گۆڵێك لە ئەتلەتیك بلباو بباتەوە كە لە یاریەكەدا بنزیما توانی دوو گۆڵ تۆمار بكات.
لە دوای یاریەكە زەیدان ووتی: ئەمڕۆ تووشی سەختی بووین ، بەڵام لە كۆتاییدا سێ خاڵمان بردەوە ، چوارەم یاری لەسەر یەكە كە دەیبەینەوە ، ئەمەش سوودێكی گەورە بە یاریزانەكان دەگەیەنێت و شایەنی ئەو بردنەوانەن.
سەبارەت بە بنزیما ووتی: ئەو باشترین هێرشبەری مێژووی فەڕەنسایە ، ئەوەشی نیشانداوە ، لەگەل ڕیاڵ مەدریدیش زیاتر لە 500 یاری ئەنجامداوە و ژمارەكان قسەی بۆ دەكەن ، بۆ من باشترینە و ئەوەش ڕوون و ئاشكرایە.
” بنزیما بووەتە هێرشبەرێكی بەتواناتر ، ئەو تەنها بیر لە گۆڵ تۆمار كردن ناكاتەوە ، بۆیە خۆشم دەوێت ، لە كاتی پێوویستدا گۆڵ دەكات ، ئەمڕۆش دوو گۆڵی كرد”.
