یاریگا
کریستیانۆ رۆناڵدۆ، دوای توشبوونی بە ڤایرۆسی کۆرۆنا لە لایڤێکی ئینستاگرام رەتیکردەوە یاساکانی کەرەنتینی جێبەجێ نەکرد بێت و دەشڵێت هیچ نیشانەیەکی نەخۆشیەکەی نیە.
یاریزانەکەی یۆڤێنتوس لە لایڤی تۆڕی کۆمەڵایەتی ئینستاگرام پەیامێکی بڵاوکردەوە و گووتی ” هەروەک ئاگادارن لەم ماوەیە تووشی ڤایرۆسی کۆرۆنا بووم، بەڵام هیچ نیشانەیەکم نیە و سوپاس بۆ خوا تەندروستیم زۆر باشە و شەوان باش دەخەوم، سەبارەت بە قسەکانی وەزیری وەرزشی ئیتاڵیا کە دەڵێت من پرۆتۆکۆلە تەندروستیەکانم جێبەجێ نەکردووە، بەم شێوەیە نیە و هیچ بەرکەوتنم لەگەڵ کەسێکدا نەبووە و منداڵەکانم لێم دورن و هەموو رێکارەکانیشم وەک خۆی جێبەجێ کردووە”.
رۆناڵدۆ دوای تووشبوونی بە ڤایرۆسی کۆرۆنا، هەر زوو وڵاتەکەی جێهێشت و گەڕایەوە ئیتاڵیا و لە شاری تۆرین خۆی کەرەنتین کرد، ئەمەش بەرپرسانی ئەو وڵاتەی نیگەران کرد، چونکە بە پێ یاسا هەر کەسێک کۆرۆنای هەبێت، نابێت بۆ ماوەی 14 رۆژ بگەڕێتەوە وڵاتەکەیان.
