گومان لە بەشداریكردنی ئەستێرەیەكی گەورە لە یاریی كۆتایی چامپیۆنزلیگ دەكرێت
تەنیا چەند رۆژێكی كەم بۆ یارییەكە ماوە
یاریگا –
گومانەکان دەربارەی ئامادەبوونی ئەشرەف حەکیمی ئەستێرەی مەغریبی یانەی پاریس سانجێرمان بۆ یاریی کۆتایی خولی یانە پاڵەوانەکانی ئەوروپا لە نێوان پاریس سانجێرمان و ئارسیناڵدا لە زیادبووندایە.
چاوەڕواندەكرێت رۆژی 30 مانگ پاریس سانجێرمان و ئارسیناڵ لە یاریی كۆتایی چامپیۆنزلیگ رووبەڕووی یەک ببنەوە.
Une semaine avant la finale de la Ligue des champions entre le PSG et Arsenal, Ousmane Dembélé et Achraf Hakimi n’ont pas participé à l’opposition interne
➡️ https://t.co/mB65xvomLJ pic.twitter.com/Wr17XW7P44
— L’Équipe (@lequipe) May 23, 2026
بە گوێرەی زانیارییەكانی لیكیپ، گومان لە بەشداریكردنی ئەشرەف حەكیمی لە یاریی بەرامبەر ئارسیناڵ دەكرێت.
رۆژی شەممە حەکیمی بەشداریی لەو یەكەی مەشقکردنەدا نەکردووە کە پاریس سانجێرمان لەبەردەم هاندەرانیدا كردی.
ئەشرەف حەکیمی، لەوەتەی تووشی پێکان بووە لە ماسولکەی رانیدا لە یاریی چوون بەرامبەر بایرن میونشن، تەنیا لە هۆڵی بەهێزکردنی ماسولکەکان راهێنانی كردووە، رۆژنامەکە ئاماژەی بەوە کردووە کە گەڕانەوەی حەکیمی بۆ مەشقە بەکۆمەڵەکان نزیکە و رەنگە رۆژی چوارشەممە بێت، بەڵام ئەمە بە مانای ئەوە نییە کە بە دڵنیاییەوە شەممە لە یاریی كۆتایی چامپیۆنزلیگ لە پێکهاتەی سەرەکیدا دەبێت.
حەكیمی لەم وەرزەدا بەشداری لە 31 یاریی كردووە و توانیویەتی سێ گۆڵ بكات و نۆ گۆڵیش درووست بكات.
