یاریگا –
لە کاتێکدا یانەی بارسێلۆنا چاوەڕێی یەکلاکەرەوەترین رۆژی خۆی دەکات، ئهمرۆ ههڵبژاردن بۆ سهرۆكی یانهی بارسێلۆنا دهكرێت و ململانێی نێوان بهربژێرهكان گەیشتە ئاستی سكاڵای یاسایی و دەرکردنی راگەیەندراوی بەپەلە لەلایەن یانەکە و لیژنەی سەرپەرشتیاری هەڵبژاردنەکانەوە.
ئامار و زانیارییە سەرەکییەکانی دەنگدان
رۆژنامهی مۆندۆ دیپۆرتیڤۆ ئاشكرایكردووه، ئەمڕۆ زیاتر لە 110.000ئەندام مافی دەنگدانیان هەیە. بەهۆی رێکارە نوێیەکان و بۆ ئاسانکاری، دەنگدان تەنیا لە کامپ نۆو نییە، بەڵکو لە چەندین بنکەی جیاواز لە شارەکانی کاتالۆنیا و ئاندۆرا بەڕێوە دەچێت.
دەستپێکی دەنگدان: كاتژمێر 09:00ی بەیانی بە کاتی ئیسپانیا دەرگای بنکەکان کرانەوە.
کۆتایی دەنگدان: کاژێر 09:00ـی شەو سندوقەکان دادەخرێن و یەکسەر جیاکردنەوەی دەنگەکان دەست پێ دەکات.
ماوەی سەرۆکایەتی و ئەرکەکان
سەرۆکی نوێ بۆ ماوەی شهش ساڵی داهاتوو دەبێتە کەسی یەکەمی یانەکە. ئەم خولە بە یەکێک لە هەستیارترین خولەکانی مێژووی بارسێلۆنا دادەنرێت، چونکە سەرۆک دەبێت رووبەڕووی ئەم تەحەدییانە ببێتەوە:
تەواوکردنی پڕۆژەی گەورەی “ئیسپای بارسا” و تهواوكردنی یاریگای کامپ نۆو
چارەسەرکردنی كێشهی دارایی و کەمکردنەوەی قەرزەکان.
پاراستنی ئەستێرە لاوەکانی وەک لامین یامال و گەڕاندنەوەی نازناوە گەورەکان.
کێبڕکێی نێوان بهربژێرهكان و پاڵپشتی ئەستێرەکان
ململانێی سەرەکی لە نێوان خوان لاپۆرتا و ڤیکتۆر فۆنت ههیه:
خوان لاپۆرتا (بە ئەزموون و کاریزماتیک):
یاریزانی ئەفسانەیی ساموێل ئیتۆ بە فەرمی پاڵپشتی خۆی بۆ لاپۆرتا راگەیاند، هەروەها لامین یامال، ئەستێرەی ئێستای یانەکە، لە تۆڕە کۆمەڵایەتییەکان ئاماژەی بە پاڵپشتی لاپۆرتا کردووە. زۆربەی یاریزانە دێرینەکانی سەردەمی زێڕین لەگەڵ لاپۆرتان و ئەزموونی پێشووی لە بەدەستهێنانی شەش نازناوەکە و پەیوەندییە نزیکەکانی لەگەڵ یاریزانەکان.
ڤیکتۆر فۆنت (پڕۆژەی تەکنەلۆژی و داهاتوو):
فۆنت هەمیشە ناوی چاڤی هێرناندێز و کڕۆیف بە پڕۆژەکەیەوە دەبەستێتەوە، چاڤی پاڵپشتی خۆی بۆ فۆنت راگهیاندووه
و بەرنامەیەکی تۆکمەی هەیە بۆ گۆڕینی سیستەمی بەڕێوەبردنی یانەکە بۆ شێوازێکی مۆدێرن و کۆمپانیایی.
کێ چانسی دەرچوونی زیاترە؟
بەپێی دواین راپرسییەکان لە میدیاکانی وەک مۆندۆ دیپۆرتیڤۆ و سپۆرت، خوان لاپۆرتا چانسی یەکەم و بەهێزترین دادەنرێت (بە ڕێژەی زیاتر لە 55٪). هاندهرانی بارسا ئەو وەک رزگارکەر دەبینن.
ههرچی ڤیكتۆر فۆنته رکابەرێکی سەرسەختە و توانیویەتی دەنگی بەشێکی زۆری گەنجان و ئەندامە نوێیەکان بۆ خۆی رابکێشێت، بەڵام هێشتا لە دوای لاپۆرتاوەیە، بهڵام ههوڵدهدات سوود له دهنگی ئهو بهربژێرانه وهربگرێت كه له كێبركێیهكه دوورخراونهتهوه پێشتریش ههولێدا هاوپهیمانهتیهك دروست بكات.
گرژییەکانی کاتژمێرەکانی کۆتایی
تاوەکو ئێستا فەزای هەڵبژاردنەکە کەمێک ئاڵۆزە، لیژنەی هەڵبژاردن هۆشداری توندی داوەتە ڤیکتۆر فۆنت بەهۆی ناردنی ئیمەیڵ و داوای دهنگدانی لێكردوون، تیمی لاپۆرتاش ئەمەیان وەک بێڕێزی بە یاسا ناوبردووە. ئەم گرژییانە نیشانەی ئەوەن کە کێبڕکێکە زۆر لە یەک نزیکە و هەموو دەنگێک بایەخی خۆی هەیە.
چاوەڕوانییەکان بۆ ئەمشەو
پێشبینی دەکرێت رێژەی بەشداری لە دەنگداندا ریکۆرد بشکێنێت. ئەنجامە بەراییەکان نزیکەی كاتژمێر 10:30 11:00یـی شەو دەردەکەون و سەرۆکی نوێی بارسێلۆنا بۆشهش ساڵی داهاتوو دەستنیشان دەکرێت.
