یاریگا –
ئاتلێتیکۆ مەدرید بە لێدوانێکی فەرمی کۆتایی هێنا بە هەموو ئەو دەنگۆیانەی بە چواردەوری خولیان ئالڤارێزدا دەسووڕێنەوە سەبارەت بە رۆشتنی ئەستێرە ئەرجەنتینیەکە لە یانەکەیان.
ماوەیەکە دەنگۆی بەهێز هەیە کە هێرشبەرەکەی ئاتلێتیکۆ بووەتە ئامانجێکی سەرەکی بارسێلۆنا. دواتریش ناوی چەند زلهێزێکی دیکەی ئەوروپا هاتە بەرباس.
ئامانجەکەی بارسێلۆنا؛ چێڵسی و پاریس سانجێرمان دەچنە ململانێی گواستنەوەی ئالڤارێز
هەواڵەکان بەجۆرێک پەرەسەندنیان بەخۆوە بینی، تا یانە مەدریدیەکە لەسەر ئاستی باڵا هاتە دەنگ. لە نوێترین لێدوانیدا ماتیۆ ئالیمانی بەڕێوەبەری رۆخی بلانکۆ وتی
خولیان ئالڤارێز بەخۆی ئەوەی روونکردووەتەوە کە لە ئاتلێتیکۆ مەدرید زۆر دڵخۆشە. شتەکە وایلێهاتووە ئالڤارێز هەرشتێکی بچووکیش بڵێت یەکسەر بەشێوەیەکی جیاواز لێکدانەوەی بۆ دەکرێت. ئەو ئێستا 4 ساڵ زیاتریشی ماوە بۆ گرێبەستەکەی، هیوادارین زیاتر بمێنێتەوە و تەنانەت گرێبەستەکەی لەوەش زیاتر درێژ بکاتەوە. لێرە هیچ کێشەیەک نابینم لەگەڵ خولیان.
🚨 Atlético Madrid director Alemany: “Julián Álvarez made it very clear that he is very happy at Atléti. Every little thing he says gets interpreted in a different way”.
“He has 4 more years on his deal and we hope he stays much longer and even extends it. I don’t see any story… pic.twitter.com/Ve6MdxEO0C
— Fabrizio Romano (@FabrizioRomano) March 14, 2026
خولیانی 26 ساڵان دوای ماوەیەک دوورکەوتنەوە لە ئاستی راستەقینەی خۆی، ئێستا یەکێکە لە چەکە سەرەکییەکانی تیمەکەی دیێگۆ سیمیۆنی. بەجۆرێک لە 38 یاریی سەرجەم پاڵەوانێتیەکاندا خاوەنی 15 گۆڵ و 7 ئەسێستە.
