یاریگا – دوای یاریەکەی ڤاڵێنسیا و ڕیال مەدریدی هەفتەی ڕابردوو، یاریزانان جێرارد پیکێ و ئارتورۆ ڤیدال توانجیان لە بڕیارەکانی ناوبژیوانی یاریەکە دا و ئاماژەیان بە لایەنگری ناوبژیوان دابوو بەشێوەیەکی ناڕاستەوخۆ.
لە کۆنگرەی ڕۆژنامەوانی ئەمڕۆی زێدانیش بۆ یاریە گرینگەکەیان بەرامبەر ڕیال سۆسیداد، پەیامنێرێک داوای لە زێدان کرد ڕای خۆی لەبارەی قسەکانی “جێرارد پیکێ”وە دەربڕی و زێدانیش لە وەڵامدا گوتی:
هەمووان خاوەن بیر و ڕای خۆیانن، بەڵام من تەنها یاریەکەی بەیانیم بەلاوە گرینگە لە ئێستادا.
لەبارەی یارمەتیدانی ڕیال مەدرید لەلایە ناوبژیوانانیشەوە زێدان ڕایگەیاند:
نەخێر ئەوە ڕاست نییە. لەبارەی ئەم بابەتە وەڵامێکی ڕاست و ڕەوانم هەیە کە ئەویش بریتیە لەوەی پێموانییە ناوبژیوانان لایەنگریمان دەکەن، هەر ئەوەندە.
شایانی باسە دوای یەکسانبوونی بارسێلۆنا بەرامبەر سێڤییا لە یاریەکەی دوێنێیان، ڕیال مەدرید هەلی ئەوەیان بگەڕێنەوە پێشەنگی لالیگا.
