تەواو بارسێلۆنا داهاتووی راشفۆردی یەکلاکردەوە

دواجار چیرۆکی مارکۆس ڕاشفۆرد لە بەرشەلۆنە دەگاتە یەکلادەبێتەوە. دوای ئەوەی لە هاوینی رابردوو گەیشتە یانەکە، یاریزانەکەی ئەکادیمیای مانچێستەر یونایتد کاری پێویستی کردووە بۆ رازیکردنی بەرپرسانی باڵای کامپ نو، و ئێستا دەوترێت کە بلۆگرانا  بڕیاریداوە مانەوەی ڕاشفۆرد بە هەمیشەیی بکات.

بەرسا بە وردی بیر لە گرێبەستەکەی ڕاشفۆرد دەکاتەوە

ئەمە بڕیارێکی خێرای بەرشەلۆنە نەبوو.بەڵکو، بە سەرۆکایەتی دێکۆی بەڕێوەبەری وەرزشی، چەندین مانگیان بەسەربرد لە هەڵسەنگاندنی زۆر وردی باشترین بژاردەکان بۆ بەهێزکردنی باڵەکانی یاریگا. لە کاتێکدا یانەکە لە سەرەتادا هەوڵی بۆ یاریزانانی وەک نیکۆ ویلیامز و لویس دیاز دەدا، بەڵام لە کۆتاییدا گەیشتنە بژاردەی تێچووی کەم و ئاست بەرزی ڕاشفۆرد. ئەمە هەنگاوێک بوو کە بە تەواوی لەلایەن هانسی فلیکەوە پشتیوانی لێکرا، کە یاریزانە ئینگلیزەکەی وەک یاریزانێکی یەدەگی ئاست بەرزی نموونەیی دەبینی بۆ پاڵپشتیکردنی یاریزانە جێگیرەکانی وەک لامین یامال و ڕافینیا.

دێکۆ کۆبوونەوەیەکی گرنگ لەگەڵ بریکارەکەی ڕاشفۆرد ئەنجام دەدات

وەک ڕۆژنامەی سپۆرت بڵاویکردووەتەوە، دێکۆ کۆبوونەوەیەکی گرنگی لە بەرشەلۆنە لەگەڵ ئارتورۆ کاناڵێس، نوێنەری کارەکانی ڕاشفۆرد ئەنجامداوە بۆ داڕشتنی نەخشەی گۆڕینی گرێبەستەکەی لە خواستنەوە بۆ گرێبەستێکی هەمیشەیی. بەڕێوەبەران زۆر دڵخۆشن بە کاریگەرییە خێراکەی، بەتایبەتی دوای ئەوەی خرایە پێکهاتەی سەرەکییەوە بەهۆی پێکانەکەی ڕافینیا. خۆگونجاندنی بێ کێشە بووە.

ڕاشفۆرد خاوەنی ١٠ گۆڵ و ١٣ ئەسیستە، و ئەو ئاستەی بەدەستهێناوەتەوە کە زۆربەی خەڵک دەترسان لە ئۆڵد ترافۆرد لەدەستی دابێت. لە سەرەتادا دێکۆ و تیمەکەی دوودڵ بوون لە پابەندبوون بە بڕگەی کڕینەوەی بە بڕی ٣٠ ملیۆن یۆرۆ، پێیان باشتر بوو بزانن یاریزانە تەمەن ٢٨ ساڵەکە چۆن مامەڵە لەگەڵ فشاری کامپ نو دەکات. بەڵام، بە لەبەرچاوگرتنی دەستپێکە ئەرێنییەکەی لە کەتەلۆنیا، یانەکە ئێستا ئامادەیە هەنگاو بەرەو پێشەوە بنێت لەم پرۆسەیەدا.

.