جێنشینی پابلۆ ئێسکۆبار کوژرا: مەترسی لەسەر بەڕێوەچوونی مۆندیال لە مەکسیک دروست دەبێت

یاریگا –

پاش کوژرانی گەورەترین بازرگانی ماددەی هۆشبەر لە مەکسیک، مەترسی بۆ سەر بەڕێوەچوونی یارییەکانی مۆندیال لەو وڵاتە دروستبووە.

ئاژانسی رۆیتەرز بڵاویکردووەتەوە، دوێنێ یەکشەممە 22ـی شوباتی 2026 لە ئۆپەراسیۆنێکی هاوبەشی سوپای مەکسیک و هێزە تایبەتەکانی ئەو وڵاتە و بە پاڵپشتی هەواڵگری ئەمریکا، نێمێسیۆ ئۆسێگێرا سێرڤانتێس ناسراو بە “ئێل مێنچۆ” کوژرا.

لەکاتی ئۆپەڕاسیۆنەکە ئێل مێنچۆ، سەرکردەی کارتێلی CJNG بە سەختی بریندار بووە، پاش گواستنەوەی بە فڕۆکە لە رێگادا گیانی لەدەستداوە، هەر لەو شەڕەدا چوار ئەندامی کارتێلی CJNG کوژراون و سێ سەربازیش بریندار بوون.

🇲🇽 | EL MENCHO ABATIDO: Cronología tras la muerte del Mencho: pic.twitter.com/KnkoBq4Vid

— Alerta News 24 (@AlertaNews24) February 23, 2026

کارتێلی CJNG وەکوو تۆڵەسەندنەوەی کوژرانی سەرکردەکەیان لە سەجەم ویلایەتەکانی مەکسیک دەستیان کردووە بە سوتاندنی ئۆتۆمبێل، تەقاندنەوە و سوتاندنی دامودەزگاکانی دەوڵەت، گرتنی رێگای نێوان شارەکان، سوتاندنی بەنزینخانەکان و هێرشکردندە سەر فڕۆکەخانەکان.

ئەمریکا بەهۆی مەترسیداریی دۆخەکە داوای لە هاوڵاتیانی خۆی لە مەیسک کردووە لە ماڵەکانیان بمێننەوە، هاوکات ئەمریکا پێشتر بەهۆی مەترسیداری و کاریگەری ئێل مێنچۆ لەسەر وڵاتەکەی، خەڵاتی 15 ملیۆن دۆلاری بۆ ئەو کەسە دانابوو کە زانیاری لەسەر شوێنی ئێل مێنچۆ ئاشکرا بکات.

کارتێلی CJNG زۆرترین ماددەی هۆشبەری بۆ ئەمریکا دەگوازێتەوە، جیا لەوە کاری شۆشتنەوەی پارە، قاچاخچێتی چەک، کوشتن و رفاندنی خەڵکی پیشەی سەرەکییانە.

🇲🇽 LEADER OF MEXICO’S BIGGEST CARTEL KILLED

1. Mexican military, backed by U.S. intelligence, took out CJNG boss Nemesio “El Mencho” Oseguera.

2. CJNG struck back immediately: narcobloqueos (roadblocks with burning vehicles), arsons, and armed clashes erupted across multiple… pic.twitter.com/nKwu08jqkV

— Mario Nawfal (@MarioNawfal) February 23, 2026

هاوکات حکومەتی مەکسیک داوا لە هاوڵاتیانی دەکات لەو شوێنانە دووربکەونەوە کە هێزەکانی دەوڵەتی لێیە، هاتوچۆ کەمبکەنەوە و بەباشی ئاگاداری خۆیانبن و سات بە سات چاودێری میدیا نێوخۆییەکان بکەن.

ئەم رووداوە لەدوای دەستگیرکرانی ئێل چاپۆ، گەورە بازرگانی ماددەی هۆشبەر لە 2016 بە گەورەترین رووداوی وڵاتەکە دادەنرێت.

هەر بەو هۆیە بارای نائاسایی لە وڵاتەکە راگەیەندراوە و مەترسی بۆ بەڕێوەچوونی یارییەکانی مۆندیال لەو وڵاتە دروستبووە، لە بڕیارە لە هاوین بەشێکی یارییەکانی مۆندیالی 2026 لەو وڵاتە بەڕێوەبچن.

بەڵام مەترسییە گەورەکە لەسەر یارییەکانی پلەی ئۆفە، کە بڕیارە لە 26ـی ئازار تاوەکوو 31ـی ئازار، واتا پاش نزیکەی مانگێکی دیکە لە مەکسیک بەڕێوەبچن، بەڵام ئەگەر دۆخەکە هەر بەمشێوەیە بمێنێتەوە ئەگەری گۆڕینی شوێنی یارییەکان هەیە.

🚨 JUST IN: The Mexican Army is launching a large mobilization effort against the cartels following the killing of CJNG cartel kingpin El Mencho

Mexico should request US support before it gets out of control!

Trump would end it VERY swiftly. 🇺🇸🇲🇽pic.twitter.com/X8LHZCLDck

— Eric Daugherty (@EricLDaugh) February 22, 2026