یاریگا –
لە قۆناخی چارەکی کۆتایی جامی شا، بارسێلۆنا بووە میوانی ئالباسێتێ و گواردیۆلا شەرمەزارکرا.
ئالباسێتێ کە لالیگا 2 یاری دەکات و ئێستا لە پلەی دوازدەیەم دێت، سوپڕایزی ئەم وەرزەی جامی شا بوو و چەند یانەیەکی لالیگای لە پاڵەوانێتییەکە دوورخستەوە، لەنێوانێشیان ریال مەدریدی مەزن.
ئالباسێتی توانی لێگانێس، سێلتا ڤیگۆ و ریال مەدرید لە جامەکە بکاتە دەرەوە و باڵادەستی بەسەریاندا بنوێنێت.
لە چارەکی کۆتایی جامەکە ئالباسێتێ رووبەرووی بارسێلۆنای تۆقێنەر بووەوە، ئەگەرچی بەرامبەر بلاوگرانا شکستیان هێنا، بەڵام ئاستەنگی زۆریان بۆ یانە کەتەلۆنییەکە دروستکرد و تاوەکوو دوایین ساتەکانی یارییەکە لەپێناو بردنە جەنگان.
لە یارییەکەی بەرامبەر بارسێلۆنا هاندەرانی ئالباسێتێ لە خولەکی 82، 500 یۆرۆی ساختەیان فرێدەدایە یاریگاوە، کە وێنەی خۆسێ ماریا ئێنریکێز نێگرێیرای لەسەربوو و هاواریان دەکرد: “نێگرێیرا بهێنە ناوەوە، لاپۆرتا، نێگرێیرا بهێنە ناوەوە”.
ئەو هوتافەی هاندەرانی ئالباسێتێ پەیوەستە بە کەیسی گەندەڵی نێگرێیرا، کە تێیدا بارسێلۆنا ە پێدانی 7.3 ملیۆن یۆرۆ بە نێگرێیرا لەنێوان ساڵانی 200-2018 تۆمەتبارە.
🏟 Carlos Belmonte, Albacete
⏱️ Minuto 82
🔊 “Saca a Negreira, Laporta saca a Negreira”
💶 Billetes con la cara de Enriquez Negreira en la previa pic.twitter.com/BvfD1KgMRz
— José Luis Sánchez 🇪🇸 (@JLSanchez78) February 4, 2026
