یاریگا –
ئەنجامەکانی مانچێستەر یونایتد لە خراپەوە بەرەو خراپتر دەچن کە تەنانەت گۆڕینی راهێنەریش بارە لارەکەی یانەکەی راستنەکردووەتەوە.
لە چەند رۆژی رابردوودا مان یو روبن ئامۆریمی بەهۆی ئەنجامە خراپەکانیەوە دوورخستەوە لەکاتێکدا یانەکە تەنها لە کێبڕکێ نێوخۆییەکان لەم وەرزە رکابەرێتی دەکرد ئەوانیش پرێمەرلیگ، جامی یەکێتی ئینگلتەرا و جامی کاراباو. ئەمشەو کە دارێن فلێچەر وەک دووەم یاریی بەشێوەی کاتی راهێنەرایەتی شەیتانە سوورەکانی دەکرد، بە دۆڕانی بە بڕایتن 2-1 لە جامی ئینگلتەراش کرایەدەرەوە.
بەگوێرەی سەرچاوە ئینگلیزیەکان، وەرزێکی دیکە هاوشێوەی ئەم وەرزە کارەساتبارەی مان یونایتد زیاتر لە 115 ساڵ پێش ئێستا روویداوە.
کۆی ئەو یارییانەی مانچێستەر یونایتد تا ئێستا ئەنجامیداوە و ئەو یارییانەشی ماویەتی ئەنجامی بدات، دەکاتە تەنها 40 یاریی بۆ تەواوی وەرزەکە.
سەرچاوەکان نووسیویانە کۆتا جار ئەو یانەیە بە درێژایی وەرزەکە 40 یاریی ئەنجامدابێت دەگەڕێتەوە بۆ ساڵی 2015 کە ئەوەش بەهۆی جەنگی جیهانی یەکەمەوە بووە.
Man United will only play 40 games this season following their exits from the cups along with no European football.
The last time they played just 40 games in a season was in 1915 due to the World War.
Now that’s a shocking stat. pic.twitter.com/EqXh42d71h
— george (@StokeyyG2) January 11, 2026
لەدوای رۆیشتنی سێر ئالێکس فێرگسنی راهێنەری ئەفسانەیی مانچێستەر یونایتد، زیاتر لە 10 راهێنەر بەشێوەی کاتیی و هەمیشەیی پۆستەکەیان بەڕێوەبردووە بەڵام جگە لە خۆزێ مۆرینیۆ وەرزی 2016/17 کە یۆرۆپالیگی بردەوە، هیچکامیان سەرکەوتوو نەبوون لە شادکردنەوەی یانەکە بە نازناوە گەورەکان بەتایبەت پرێمەرلیگ و چامپیۆنزلیگ.
