فەرعۆنەکەی لیڤەرپوول سەرکردایەتی میسڕ دەکات
لیستی سەرەتایی هەڵبژاردەی میسڕ بڵاوکرایەوە
یاریگا –
حوسام حەسەن، راهێنەری هەڵبژاردەی میسڕ، لیستی سەرەتایی یاریزانانی بۆ جامی نەتەوەکانی ئەفریقا بڵاوکردەوە.
لیستەکەی حوسام شەش یاریزانی پیشەگەر و هەشت یاریزانی یانەی ئەهلی و پێنج یاریزانی زەمالکی تێدایە.
لیستی سەرەتایی حوسام حەسەن 28 یاریزانی تێدایە، تاوەکو گەشتی مەغریب بکەن و رکابەری لەسەر بەبەهاترین جامی ئەفریقا بکەن. فەرعۆنەکان لە کۆمەڵەی زیمبابوێ، ئەفریقای باشوور و ئانگۆلادایە.
هەریەکە لە محەمەد سەڵاح، یاریزانی لیڤەرپوول، عومەر مەرمووش، یاریزانی مانچێستەر سیتی و مستەفا محەمەد، یاریزانی نانت لە ئەوروپا بانگهێشتکراون. هەروەها ئیبراهیم عادل، یاریزانی جەزیرەی ئیماڕاتی، رامی رەبیعە، یاریزانی عەینی ئیماڕاتی و حەمدی فەتحی، یاریزانی وەکڕەی قەتەڕیش لە خولەکانی عەرەبی بانگهێشتکراون.
ئیمام عاشوور، ئەستێرەی ئەهلی دوای دابڕانێکی زۆر، جارێکی دیکە بانگهێشتی هەڵڤژاردە کرایەوە.
بڕیارە 11ی ئەم مانگە، ئیبراهیم حەسەن، بەڕێوەبەری هەڵبژاردەی میسڕ لیستی کۆتایی بۆ یەکێتیی تۆپی پێی ئەفریقا بنێرێت.
📋 | منتخب مصر يعلن قائمة معسكر ديسمبر استعدادا لبطولة أمم أفريقيا ٢٠٢٥ 🇪🇬
أعلن الجهاز الفني لمنتخب مصر الأول لكرة القدم بقيادة الكابتن حسام حسن ، قائمة للاعبين المختارين للمشاركة في بطولة كأس الأمم الأفريقية ٢٠٢٥ المقرر إقامتها بالمغرب في الفترة من ٢١ ديسمبر حتى ١٨ يناير… pic.twitter.com/C7Ij7TA5Dc
— EFA.eg (@EFA) December 1, 2025
ئامادەکارییەکانی میسڕ سبەی چوارشەممە دەستپێدەکەن و 14ی ئەم مانگە یارییەکانی دۆستانە لە قاهیر بەرامبەر هەڵبژاردەی نایجێریا دەکات، دواتر گەشتی مەغریب دەکات.
میسڕ لە 22ی ئەم مانگە رکابەرییەکانی پاڵەوانیەتییەکە لە بەرامبەر زیمبابوێ دەستپێدەکات، دواتر لە رۆژی 26 بەرامبەر ئەفریقای باشوور و سێ رۆژ دواتریش دوا یاریی قۆناخی کۆمەڵەکان بەرامبەر ئانگۆلا دەکات.
