یەکەمین لێدوانی ئیزاک دوای نۆبەرەی گۆڵی لە پرێمەرلیگ

یاریگا –

ئالیکساندەر ئیزاک رۆژی گۆڵ تۆمارکردنی بە درێسی لیڤەرپوولەوە شکاند و ئەمشەو بەرامبەر وێستهام لە هەفتەی 13ی پرێمەرلیگ توانی هیوایەک لای هاندەرانی رێدز دروستبکاتەوە بۆ گەڕانەوە بۆ ئاستی راستەقینەی خۆی.

لیڤەرپوول دوای زنجیرەیەک دۆڕانی نێوخۆیی و ئەوروپی، یاریگای وێستهامی کرد بە خاڵێکی وەرچەرخان بۆ گەڕانەوە بۆ رێچکەی سەرکەوتنەکانی و توانی 0-2 لە هامەرز بباتەوە. گۆڵی یەکەمیان لە رێگەی ئەستێرە سویدیەکەوە تۆمارکرد دوای کاتژمێرێکی تەواو لە دەستپێکردنی یارییەکە.

ڤیدیۆ؛ گۆڵی یەکەمی لیڤەرپوول بەرامبەر وێستهام

ئیزاک کە پێنجەم بەشداریی خۆی بوو لە پرێمەرلیگ لەگەڵ لیڤەر لەوەتەی لە مێرکاتۆی هاوینە لە نیوکاسڵەوە روویکردە ئانفیڵد، هیچ گۆڵێکی تۆمار نەکربوو، دوای بردنەوەکەیان لە وێستهام وتی

دەزانم ماوەیەکی زۆرە هاتوومەتە ئێرە، بەڵام بەردەوام هەوڵمداوە بگەڕێمەوە بۆ باشترین ئاستی خۆم. هێشتا لە رێگەکەم بۆ ئەو مەبەستە، بەڵام دڵخۆشم کە گۆڵم تۆمارکرد.

سەبارەت بە بردنەوەی تیمەکەی دوای سێ شکستی لەدوای یەک، ئیزاک وتی

ئەوەی تێیداین ساتێکی سەختە و دەبێت زۆر هەوڵ بدەین. یەک بردنەوە ئەوە ناگەیەنێت کە گەڕاوینەتەوە. دەبێ بەردەوامبین لە کۆشش و بەرەوپێش بچین. دەبێ سوود لەم بردنەوەیە وەربگرین بۆ لایەنی باش، هاوکات لەخۆبوردەش بین.

🚨 Alexander Isak: “I’m aware that it has been a long time coming and I have been trying to get back to my best form. I’m still on the way but I am happy to get that goal”.

“We have to use this win in a good way but also be humble”. pic.twitter.com/srmyMkjiIE

— Fabrizio Romano (@FabrizioRomano) November 30, 2025