یاریگا –
کریستیانۆ رۆناڵدۆ، ئەفسانەی پۆرتوگالی، بە هاوبەشی لەگەڵ ئەستێرەی هونەری جەنگی ئیلیا تۆپوریا پەیوەندی بە جیهانی MMAـیەوە کرد.
پەیوەندی کردنی کریستیانۆ رۆناڵدۆ بۆ جیهانی هوونەرە جەنگییەکان، وەک هاوبەشێکی نوێی بازرگانی و خاوەن پشکی Way of Warrior Fight Club) WOW FC) ، شەپۆلێکی نوێی لەم وەرزشەدا دروستکردووە. ئەو رێکخراوە ئیسپانییە کە لە ساڵی 2025دا سەرکەوتنێکی سەرسوڕهێنەری بەخۆیەوە بینی، ئێستا بە ئامادەبوونی یەکێک لە کەسایەتییە گەورەکانی وەرزش پێدەنێتە قۆناخێکی مێژووییەوە، قۆناخێک کە دەتوانێت رێڕەوی داهاتووی هونەرە جەنگییە تێکەڵەکان لە ئەوروپا و جیهان بگۆڕێت.
یاریزانە پۆرتوگالییەکە وەک هاوبەشێک لەگەڵ ئیلیا تۆپوریا کاردەکات کە بەناوبانگترین رووخساری WOW و بەشداریکردنی کریستیانۆ یارمەتیدەر دەبێت بۆ فراوانبوونی زیاتر.
View this post on Instagram
کریستیانۆ لە روونکردنەوەی ئەوەی بۆچی پەیوەندی بە رێکخراوەکەوە کردووە، تیشکی خستە سەر ئەو بەهایانەی کە MMA نوێنەرایەتی دەکات و گوتی:
ئەم وەرزشە نوێنەرایەتی ئەو بەهایانە دەکات کە بەڕاستی باوەڕم پێیانە؛ یەکڕیزی، رێزگرتن، خۆڕاگری و بەدواداچوونی بەردەوام بۆ باشترین لە خۆ دەگرێت. شانازی دەکەم کە بەشداری لەم پڕۆژەیەدا دەکەم بۆ یارمەتیدانی پەرەپێدانی وەرزشەکە و ئیلهامبەخشین بە نەوەی داهاتوو.
هەروەها تۆپوریا هاتنی کریستیانۆ رۆناڵدۆی بە “ساتێکی لەبیرنەکراو بۆ هونەرە جەنگییە تێکەڵەکان” ناوبرد و گوتی:
هاتنی رۆناڵدۆ دەتوانێت MMA بەرەو ئاستێکی نوێی ناوبانگ ببات کە پێشتر نەبینراوە. پێشتر کریستیانۆ ئارەزووی خۆی بۆ یارییەکانی MMA دەربڕیبوو، بەڵام ئێستا هەنگاوێکی راستەوخۆ و کاریگەرانەی ناوە بە بوون بە خاوەن پشکێکی سەرەکی لە کۆمپانیایەکی گەورە لەم وەرزشەدا.
هاوبەشی دوو کەسایەتی جیهانی، یەکێک لە گەورەترین یاریزانانی تۆپی پێ لە مێژوودا و یەکێک لە ئەستێرەکانی نەوەی نوێی هونەری جەنگی دەکرێت مێژوو بنووسێتەوە. هاوپەیمانییەکەی ئەوان تەنیا بۆ WOW گرنگ نییە، بەڵکو دەتوانێت رۆڵێکی یەکلاکەرەوە بگێڕێت لە فراوانکردنی هونەرییە جەنگییەکان لە ئەوروپا و ئەمریکای لاتین و رۆژهەڵاتی ناوەڕاست.
