پریڤیوی یاریی ئارسیناڵ V ئۆڵیمپیاكۆس؛ دوا هەواڵ و پێكهاتەی پێشبینیكراو

یاریگا –

ئەمڕۆ لە یارییەكی دیكەی گەڕی دووەمی چامپیۆنزلیگ ئارسیناڵ لە یاریگای خۆیدا میوانداری ئۆڵیمپیاكۆسی یۆنانی دەكات.

وا بڕیارە ئەمڕۆ چوارشەممە كاتژمێر 22:00 بە كاتی كوردستان ئارسیناڵ لە یاریگای ئیماراتی تایبەت بە خۆی میوانداری ئۆڵیمپیاكۆس بكات، لە میانی یارییەكانی گەڕی دووەمی قۆناخی خول – كۆمەڵەكانی چامپیۆنزلیگ.

پڕۆفایلی یاریی

ئارسیناڵ لە یەكەم یاریی وەرزی نوێی چامپیۆنزلیگ رووبەڕووی ئاتلێتیک بیلباو بوویەوە و بەئەنجامی دوو گۆڵی بێ وەڵام یارییەكەی لێبردەوە.

لە پرێمەرلیگیش لە كۆی شەش یاریی چوار یاریی بردووەتەوە یارییەک یەكسان بووە و یارییەكیش دۆڕاوە.

بە كۆكردنەوەی 13 خاڵ لە ریزبەندی دووەمی پرێمەرلیگ دێت و بە جیاوازی دوو خاڵ لە دوای لیڤەرپوولی پێشەنگەوەیە.

ئۆڵیمپیاكۆس لە یەكەم یاریی وەرزی نوێی چامپیۆنزلیگ بە بێ گۆڵ لەگەڵ پاڤۆسی قوبرسی یەكسان بوو.

لە خولی یۆنانیش لە كۆی 5 یاریی چوار یاریی بردووەتەوە و یارییەكیش یەكسان بووە.

بە كۆكردنەوەی 13 خاڵ لە پێشەنگی ریزبەندی خولی یۆنانی دێت.

هەواڵی پێكانی یاریزانەكان

ئارسیناڵ بە بێ نۆنی مادویكێ، كای هاڤێرتز، گابریێل خێسوس و هینكاپی رووبەڕووی ئۆڵیمپیاكۆس دەبێتەوە.

ئۆڵیمپیاكۆس تەنیا لە تواناكانی رۆمان یارێمچوک بێبەش دەبێت.

پێكهاتەی پێشبینیكراوی ئارسیناڵ

رایا

وایت، گابریێل، مۆسكوێرا، لویس سكێلی

نۆرگارد ، ئۆدیگارد، مێرینیۆ

ساكا، یۆكێرێش،  مارتینێلی

پێكهاتەی پێشبینیكراوی ئۆڵیمپیاكۆس

پەشالاكیس

رۆدینێی، رێتسۆس، پیرۆلا، ئۆرتێگا

هێزێ، گارسیا

سترێفێزا، چیكینیۆ، پۆدێنس

ئەیوب كەعبی