نەسڕی سعودی نزیکە لە ئەنجامدانی گرێبەستێکی مێژوویی
یاریگا –
یانەی نەسڕی سعوودی چاوی لە گواستنەوەیەکی گرانبەهایە و خۆی بۆ ریکۆردێکی مێژووی ئامادەدەکات.
بەگوێرەی زانیارییەکانی تۆڕی فیچاخێسی ئیسپانی، نەسڕ بە ئۆفەرێکی خەیاڵیەوە دەچێتەسەر مێزی گفتوگۆ لەگەڵ مانچێستەر سیتی بۆ گواستنەوەی فیل فۆدن.
سەرچاوەکە زانیویەتی کە یانەکەی کەنداو دەیەوێ تا پێش کۆتاییهاتنی وادەی گواستنەوەکانی هاوینە لە خولی سعوودیە کە 23ی ئەم مانگەیە، گرێبەستەکە یەکلایی بکاتەوە.
هەر بەپێی فیچاخێس، ئۆفەرەکەی نەسڕ خۆی دەدات لە 112.5 ملیۆن پاوەند. بەوەش فۆدن دەکاتە گرانترین یاریزانی ئینگلیزی لە مێژوودا.
🚨 Al Nassr will table a record-shattering offer worth £112.5M Manchester City’s Phil Foden ahead of the Saudi Pro League’s transfer deadline day on 23rd September.
Such a sum would make Foden the most expensive Englishman of all time.
(Source: Fichajes) pic.twitter.com/ADp7w46BSR
— Transfer News Live (@DeadlineDayLive) September 15, 2025
بێگومان دەشێ کریستیانۆ رۆناڵدۆ لەپشت بیرۆکەی گواستنەوەی فۆدنەوەبێت، بەوپێیە ئەفسانە پۆرتوگالیە یەکێک لە مەرجەکانی نوێکردنەوەی گرێبەستەکەی لەگەڵ نەسڕ ئەوەبوو دەسەڵاتی تەواوی هەبێت لە ستراتیژی یانەکە بۆ گرێبەستکردن لەگەڵ یاریزاناندا.
