یاریگا –
لە یارییەکی قۆناخی 16ی کۆپا سودائەمێریکانا، بەهۆی ئاژاوە و شەڕی هاندەران، یاریی نێوان ئیندیپێندێنتی ئەرجەنتینی و یونیڤێرسیدادی چیلی تەواو نەکرا.
دوای زیادبوونی مەترسییەکانی ئەمنی لە گێمی دووەمی یارییەکە، یاریزانانی هەردوو یانە ناچاربوون یاریگای لیبێرتادۆرێس دی ئەمریکا جێبهێڵن و یارییەکە بە ئەنجامی 1-1 بهێڵنەوە.
هەرچەندە یارییەکە یەکسانبوو، بەڵام لە کۆی هەردوو یاریی چوون و گەڕانەوە، یانە چیلییەکە 2-1 لە پێشەوە بوو.
دوای تەواو نەکردنی یارییەکە، یەکێتیی تۆپی پێی ئەمریکا باشوور ‘کۆنمیبۆل’ لە بەیاننامەیەکەی هەڵوەشاندنەوەی یارییەکەی راگەیاند، ئەمەش بەهۆی نەبوونی گەرەنتی ئەمنی لەلایەن یانە و دەزگاکانی ئەمنی شارە ئەرجەنتینییەکە.
Si no murió nadie hoy es un milagro.
MASACRE en Avellaneda. Incluso un hincha se tiró al vacío desde la tribuna (unos 4 pisos). Otros quedaron tirados ahí. La peor organización de un partido que vi en mi vida en el partido de Independiente vs U de Chile pic.twitter.com/j1oz4Tk3L3— Alerta 🚨 (@DeadAlerta) August 21, 2025
کۆنمیبۆل دووپاتیکردووەتەوە، کەیسەکە دەبرێتە دادگاکان و زانیارییەکانی پەیوەندیدار بە رووداوەکە، رادەستی لێژنەی تەمبێکاری یەکێتییەکە دەکرێت.
میدیاکانی ئەرجەنتین بڵاویانکردووەتەوە، دەزگاکانی ئەمنی زیاتر لە 300 هاندەری یونیڤێرسیدادیان دەستگیرکردووە، ئەمە جیا لە برینداربوونی چەند هاندەرێکی دیکە.
گابریێل بووریک، سەرۆکی چیلی بەیاننامەیەکی توندی لە پلاتفۆڕمەکانی سۆشیاڵ میدیا بڵاوکردووەتەوە و سەرکۆنەی رووداوەکانی کرد؛
ئەوەی روویدا هەڵەی فرەلایەنە بوو، سەرەتا لە توندوتیژی نێو هاندەران دەستیپێکردووە و دواتر گەیشتە رێکخەرانی یارییەکە.
پێویستە بە توندی بەرپرسیاران سزابدرێن. کاری لە پێشینەی ئێمە وەکو حکومەت، زانینی دۆخی ئەو هاونیشتیمانییانەیە کە هێرشیانکراوەتە سەر، هەروەها رێز لە مافی دەستگیرکراوانیش بگرین.
Lo sucedido en Avellaneda entre las hinchadas de Independiente y Universidad de Chile está mal en demasiados sentidos, desde la violencia en las barras hasta la evidente irresponsabilidad en la organización. La justicia deberá determinar los responsables.
Ahora nuestra…
— Gabriel Boric Font (@GabrielBoric) August 21, 2025
لە ئەپریل/نیسانی رابردوودا، لە جامی لیبێرتادۆرێس یاریی دێربی نێوان یونیڤێرسیداد دی چیلی و کۆلۆ کۆلۆ دواخرا، دوای کوژرانی دوو هاندەری لاو، بەهۆی پاڵەپەستۆ و ژێرپێکەوتنیان لە یاریگاکە.
رووداوەکانی توندوتیژی لە یاریگاکانی ئەرجەنتین شتێکی باوە، بەگوێرەی داتاکانی کۆمەڵەی هاندەرانی سالڤیمۆس ئال فوتبۆڵ (تۆپی پێ رزگار بکەن)، لە سەدەی رابردووەوە زیاتر لە 350 حاڵەتی مردنی پەیوەندیدار بە تۆپی پێ لە ئەرجەنتین تۆمارکراون.
