زانیاریی ورد لەبارەی پەرەسەندنی دەنگۆی نەسڕ و هەوڵەکانی گواستنەوەی فێران تۆرێس
یاریگا –
لەم رۆژانەدا دەنگۆی گواستنەوەی فێران تۆرێس بۆ نەسڕی سعوودی کەوتووەتە نێو مێدیاکانەوە، نوێترین زانیارییش لەو بارەیەوە شتیتر دەڵێ.
وەرزی رابردوو تۆرێس یەکێک بوو لەو یاریزانانەی ئەگەری زۆری بۆ دادەنرا بارسێلۆنا جێبهێڵێ بەوپێیەی لەلایەن هانزی فلیکی راهێنەرەوە بە سەرەکیی پشتیپێنەدەبەسترا.
بەگوێرەی تازەترین زانیاریی کە فابریزۆ رۆمانۆ بڵاویکردووەتەوە، بەسڕ بە هیچ جۆرێك کار لەسەر گواستنەوەی تۆرێس ناکات.
ئەو رۆژنامەنووسە ئیتاڵیە ئەوەشی زانیوە کە نە گفتوگۆ نە خواست لە هیچ لایەکی ئەو دوولایەنەوە رووینەداوە و بوونی نییە. سەبارەت بە پێویستیبوونی یانە سعوودیەکە بۆ گواستنەوەی یاریزانێکی لا، رۆمانۆ ئەوەی زانیوە کە ئەو یانەیە دڵنیان لەوەی لە ماوەی نێوان 24/48 کاتژمێری داهاتوودا کینگسلی کومانی بایرن دەگوازنەوە. فێرانیش تەنها بیری لای بارسایە.
🚨❌ Al Nassr are not working on Ferran Torres deal.
Zero talks, no interest on both sides, Al Nassr are confident to get King Coman deal done in 24/48h as winger addition…
…and Ferran’s only focused on Barça. pic.twitter.com/L2CZPQHqQ3
— Fabrizio Romano (@FabrizioRomano) August 10, 2025
وەک دوێنێ بڵاوکرایەوە، نەسڕ گفتوگۆکانی لەگەڵ ئەو ئەستێرە فەڕەنسیە و یانەکەشی گەیاندووەتە قۆناخەکانی کۆتایی و نزیکە یەکلاییکردنەوەی گرێبەستەکەی.
