دەنگۆکانی مێرکاتۆ؛ ئەمڕۆ ریال مەدرید گرێبەستێكی دیكە رادەگەیەنێت و وێستهام دوو یاریزانی لیڤەرپوولی دەوێت

یاریگا –

ئالیخاندرۆ گارناچۆ ئۆفەرێكی نەسڕی سعوودی رەتكردەوە، بایرن میونشن یاریزانێكی دیكە دەكاتە ئامانج و وێستهام دوو یاریزانی لیڤەرپوولی دەوێت.

ئەمڕۆ ریال مەدرید گرێبەستی ئالڤارۆ كارێراس رادەگەیەنێت – فابریزیۆ رۆمانۆ.

ئالیخاندرۆ گارناچۆ، یاریزانی ئەرجەنتینی یانەی مانچێستەر یونایتد رەتیدەكاتەوە پەیوەندی بە خولی سعوودیەوە بكات و دەیەوێت لە ئەوروپا بەردەوام بێت – تێلیگراف.

بایرن میونشن ئەگەر نەتوانێت تواناكانی لویس دیاز بەدەستبهێنێت، ئەوا هەوڵەكانی بۆ گواستنەوەی لیاندرۆ ترۆسارد یاریزانی بەلجیكی یانەی ئارسیناڵ دەستپێدەكات – بێڵد.

ئیڤان فێرگسن هێرشبەری یانەی برایتن رەزامەندی دەربڕیوە لە گواستنەوەكانی هاوینەدا پەیوەندی بە رۆمای ئیتاڵییەوە بكات – دی مارزیۆ.

وێستهام لەگەڵ حاج دیۆف بەرگریكاری سێنیگالی یانەی سلاڤیا پراگی چیكی گەیشتە رێككەوتنی كۆتایی – فووت مێركاتۆ.

بەڕێوەبەری كارەكانی بێنیامین شێشكۆ یاریزانەكەی پێشكەشی لیڤەرپوول كردووە، دوای ئەوەی ئارسیناڵ بڕیاریدا ڤیكتۆر یۆكێرێش بگوازێتەوە – TBR Football.

وێستهام گرنگی بە گواستنەوەی دوو یاریزانی لیڤەرپوول هارڤی ئیلیەت و تایلەر مۆرتن دەدات – گاردیان.

گرانیت چاكا ئەستێرەی سویسری یانەی بایەر لیڤەركوزن ریزەكانی یانەكەی جێدەهێڵێت و پەیوەندی بە نیۆمی سعوودییەوە دەكات – فلۆریان پلێتنبێرگ.

مۆیس كین ئۆفەرەكانی یانە سعوودییەكانی رەتكردەوە و دەیەوێت گرێبەستەكەی لەگەڵ فیۆرێنتینا نوێ بكاتەوە – دی مارزیۆ.

ئارسیناڵ بۆ گواستنەوەی ڤیكتۆر یۆكێرێش لەگەڵ سپۆرتینگ گەیشتە رێككەوتنی كۆتایی و یاریزانەكە بە بەهای 63.5 ملیۆن پاوەندی جێگیر و 10 ملیۆن گۆڕانكاری پەیوەندی بە گەنەرزەوە دەكات – دەیڤد ئۆرنشتاین.