یاریگا –
جاڕێڵ کوانسا، ئەستێرەی لاوی لیڤەرپوول پەیوەندی بە بایەر لیڤەرکوزنی ئەڵمانی کرد.
بەشێوەیەکی فەرمی بایەر لیڤەرکوزن رایگەیاند، لەگەڵ جاڕێڵ کوانسا گەیشتوونەتە رێککەوتن و گرێبەستێکی درێژخایەنیان لەگەڵ بەرگریکارە لاوەکەی پێشووی لیڤەرپوول واژۆکردووە.
بەرگریکارە 22 ساڵانییەکە بەبڕی 30 ملیۆن یۆرۆ لە لیڤەرپوولەوە پەیوەندی بە یانە ئەڵمانییەکە دەکات و گرێبەستێکی بۆ ماوەی پێنج وەرز و تاوەکو هاوینی 2030 لەگەڵ یانەکە واژۆکردووە.
✍️ Die Tinte ist trocken: #Bayer04 hat den englischen U21-Nationalspieler und Europameister Jarell #Quansah vom englischen Meister @LFC verpflichtet.#Quansah2030 | #Werkself pic.twitter.com/StWZI7bXqR
— Bayer 04 Leverkusen (@bayer04fussball) July 2, 2025
کوانسا لە وەرزی 2023-24 بۆ یەکەمجار خۆی لە پێکهاتەی لیڤەرپوول دۆزیەوە و چەندین جار بەشداری یارییەکانی کردووە، بەڵام نەیتوانیوە شوێنێکی سەرەکی بەدەستبهێنێت.
یاریزانەکە لە شارێکی بچووکی نزیک وارنتن لەدایکبووە و بەرهەمی ئەکادیمیای لیڤەرپوولە. لە کۆتایی وەرزی 2023-24 لە شوێنی ئیبراهیما کۆناتێ بووە سەرەکی.
کوانسا لە وەرزی رابردوودا بەشداری 25 یاریی سەرجەم پاڵەوانیەتییەکاندا کرد و پێنج جار لە پێکهاتەی سەرەکی یارییەکانی پرێمەرلیگدا بوو.
𝐁𝐚𝐲𝐞𝐫 𝟎𝟒 🤝 𝐉𝐚𝐫𝐞𝐥𝐥 𝐐𝐮𝐚𝐧𝐬𝐚𝐡#Quansah2030 | #Bayer04 | #Werkself pic.twitter.com/vHdmu2mKg1
— Bayer 04 Leverkusen (@bayer04fussball) July 2, 2025
