یانەیەکی سعوودی بۆ گواستنەوەی مارتینێلی هاتە سەر هێڵ
یاریگا –
نەسڕی سعوودی ئەگەر نەتوانێت لویس دیاز بگوازێتەوە، هەوڵی گواستنەوەی گابریێل مارتینێلی دەدات.
بێن جاکۆبس رۆژنامەنووسی بەریتانی ئاشکرایکردووە، یانەی نەسڕی سعوودی ئەگەر لە هەوڵەکانی بۆ گواستنەوەی لویس دیاز هێرشبەری لیڤەرپوول سەرکەوتوو نەبێت، ئەوا هەوڵی گواستنەوەی گابریێل مارتینێلی دەدات، ئەو یاریزانە بەڕازیلییەی کردووەتە پلانی یەدەک.
Gabriel Martinelli is one option for Al-Nassr if they fail to land Liverpool’s Luis Diaz.
Arsenal are not actively looking to sell, and have started exploratory extension talks. However, Nassr believe a big offer could change their mind.
Nassr expected to seek clarity from Diaz… pic.twitter.com/go8toZJbTp
— Ben Jacobs (@JacobsBen) July 1, 2025
رۆژنامەنووسە بەریتانییەکە راشیگەیاندووە، گەرچی ئارسیناڵ بیری لە فرۆشتنی مارتینێلی نەکردووەتەوە، بەڵام سعوودییەکان بڕوایان وایە ئەگەر ئۆفەرێکی گونجاویان پێشکەش بکەن، لەندەنییەکان دەستبەرداری یاریزانە بەڕازیلییەکەیان دەبن.
چارەنووسی هەریەکە لە لویس دیاز و گابریێل مارتینێلی و رۆدریگۆ لەم هاوینە بەیەکەوە بەندە، بایرن میونشن داوای دیاز دەکات، ئەگەر نەسڕ ئەو یاریزانە کۆڵۆمبییە لەدەست بدات، بیر لە مارتینێلی دەکاتەوە و ئەگەر ئارسیناڵ رۆدریگۆ بگوازێتەوە دەستبەرداری مارتینێلی دەبێت.
