یاریگا –
جیرارد مارتن نەشتەرگەرییەکی سەرکەوتووی بۆ کرا و بۆ پێش دەستپێکی وەرزی نوێ دەگەڕێتەوە یاریگاکان.
یانەی بارسێلۆنای ئیسپانی رایگەیاندووە، نەشتەرگەرییەکی سەرکەوتوو بۆ جیرارد مارتن بەرگریکاری لاوی یانەکەیان کرا و ئەو یاریزانە ئیسپانییە بۆ کەمپی ئامادەکاریی وەرزی نوێ دەگەڕێتەوە یاریگاکان و لەگەڵ یانەکەی بەشداریی یارییە دۆستانە و ئامادەکارییەکان دەکات.
🚨 𝐂𝐎𝐌𝐔𝐍𝐈𝐂𝐀𝐓 𝐌𝐄̀𝐃𝐈𝐂 🚨
El jugador del primer equip 𝐆𝐞𝐫𝐚𝐫𝐝 𝐌𝐚𝐫𝐭𝐢́𝐧 ha estat intervingut de manera satisfactòria de la luxació de la base del cinquè metacarpià de la mà dreta. Ha anat a càrrec del doctor Mir sota la supervisió dels Serveis Mèdics del… pic.twitter.com/WNUDY3fkzj
— FC Barcelona (@FCBarcelona_cat) June 17, 2025
بارسێلۆنا بڵاویکردووەتەوە، دکتۆر میر سەرۆکی دەستەی پزیشکی یانەکەیان سەرپەرشتی نەشتەرگەرییەکەی کردووە، کە نەشتەرگەرییەکە لە دەستی راستی جیرارد مارتن کراوە.
وابڕیارە رۆژی 13ـی یۆلیۆ/تەممووز بارسێلۆنا دەست بە راهێنان و ئامادەکارییەکانی بۆ وەرزی نوێ بکات و بەگوێرەی پشکنینە پزیشکییەکان ئەو بەرگریکارە دوای نەشتەرگەرییەکەی بۆ ناوەڕاستی مانگی داهاتوو ئامادە دەبێت.
وەرزی رابردوو بەرگریکارە 23 ساڵانەکە لەگەڵ بارسێلۆنا لە سەرجەم پاڵەوانێتییەکان بەشداریی 42 یاریی کرد، گۆڵێک و 6 ئەسیستی کرد.
