تەواو؛ بارسێلۆنا لەگەڵ ئەستێرەیەکی ناودار رێککەوت

یاریگا –

بارسێلۆنا لەگەڵ كەریم ئادیێمی، ئەستێرەی بۆڕووسیا دۆرتموند گەیشتە رێککەوتنی کۆتایی.

رۆژنامەنووسی باوەڕپێکراو فابریزۆ رۆمانۆ بڵاویکردووەتەوە، بارسێلۆنا لەگەڵ كەریم ئادیێمی، هێرشبەری بۆڕووسیا دۆرتموند لەسەر مەرجە کەسییەکان گەیشتووەتە رێککەوتنی کۆتایی و ئادیێمی رازی بووە پەیوەندی بە بارسێلۆنا بکات.

گرێبەستەکەی كەریم ئادیێمی لەگەڵ بۆڕووسیا دۆرتموند لە هاوینی 2027 بەسەردەچێت، ئەو یاریزانە نایەوێت گرێبەستەکەی نوێبکاتەوە و یانەکەی لە بڕیارەکەی ئاگادارکردووەتەوە و دەیەوێت تەنیا پەیوەندی بە بارسێلۆنا بکات.

🚨🔵🔴 BREAKING: Karim Adeyemi agreed terms with Barcelona and informed BVB he only wants Barça move.

Adeyemi, out of contract in June 2027 and not planning to sign new deal.

❗️ Barcelona sent an official bid to BVB to get Adeyemi now, working to get it done. pic.twitter.com/7zHJQIeflr

— Fabrizio Romano (@FabrizioRomano) July 9, 2026

هەر بەگوێرەی هەمان سەرچاوە، بارسێلۆنا لەگەڵ یانەە ئەڵمانییەکە دەستی بە گفتوگۆ کردووە، ئۆفەرێکی فەرمی پێشکەشکردووە و کار لەسەر کۆتاییهێنان بە گرێبەستەکە دەکات.

ئادیێمی لە هاوینی 2022 سالزبورگی جێهێشت و بە 30 ملیۆن یۆرۆ پەیوەندی بە دۆرتموند کرد، بەگوێرەی تڕانسفێر مارکێت بەهای ئێستای ئەو یاریزانە لە بۆڕسەی یاریزانان 40 ملیۆن یۆرۆیە.

ئەو یاریزانە 24 ساڵانییە لە سەرجەم پاڵەوانێتییەکان 146 یاریی بۆ بۆڕووسیا دۆرتموند کردووە، 36 گۆڵی کردووە و 25 گۆڵی دروستکردووە.

ئەو هێرشبەرە ئەڵمانییە لەگەڵ سالزبورگ شەش نازناوی بردووەتەوە، سێ جار بووەتە پاڵەوانی خولی نەمسا و سێ جاریش بووەتە پاڵەوانی جامی نەمسا.

🚨🔵🔴 BREAKING: Barcelona submit official bid to Borussia Dortmund for Karim Adeyemi.

Negotiations ongoing with BVB as @gerardromero reported.

Adeyemi wants Barcelona as ONLY club to join this summer. 🫱🏻‍🫲🏼

Barça made their bid and want Adeyemi now, waiting on BVB decision. pic.twitter.com/mhKq9OGfPn

— Fabrizio Romano (@FabrizioRomano) July 8, 2026