یاریگا –
لیۆنێل مێسی، ئەستێرەی ئینتەر مەیامی لە یاریی بەرەبەیانی ئەمڕۆ بەرامبەر نیویۆرک رێد بوڵز، هەڵسوکەوتێکی جوانی بەرامبەر منداڵێک نواند.
ئینتەر مەیامی لە گەڕی 10ی خولی ئەمریکا، یارییەکەی 4-1 لە رێد بوڵز بردەوە و جارێکی دیکە گەڕایەوە سەر رێچکەی بردنەوەکان.
مەیامی لە سێ یاریی رابردووی سەرجەم پاڵەوانیەتییەکان دۆڕا، لە قۆناخی پێشکۆتایی چامپیۆنزلیگی کۆنکاکاف لە یاریی چوون و گەڕانەوە بە ڤانکۆڤەر وایتکاپس دۆڕا و لە خولی ئەمریکیشدا بە داڵاس دۆڕا.
هەریەکە لە لویس سوارێز، لیۆنێل مێسی، مارسێلۆ ڤایگانت و فافا پیکۆڵیچ گۆڵەکانی مەیامییان کرد و گۆڵەکەی مێسی بە هەوڵی تاکەکەسی خۆی بوو.
رووداوێکی یارییەکە سەرنجی هاندەران و بەکارهێنەرانی سۆشیاڵ میدیای راکێشا، کاتێک منداڵێک هەوڵی گەیشتنی بە مێسیدا، تاوەکو وێنەیەکی لەگەڵدا بگرێت، بەڵام سیکیوریتی یاریگا رێگرییان لە منداڵەکە کرد.
مێسی زوو دەستوەردانی کرد و داوای لە ستافی ئەمنی کرد، رێگە بە منداڵەکە بدەن، تاوەکو وێنەیەکی سێڵفی لەگەڵدا بگرێت.
Se metió un aficionado y no estaba Yassine.
Igual, Messi manejó la situación y se tomó la foto con el aficionado.
Con abrazo incluido.#InterMiamiCF #Messi pic.twitter.com/GOa6ISeiqW
— José Armando (@Jarm21) May 4, 2025
10ی ئەم مانگە، ئینتەر مەیامی دەبێتە میوانی مینێسۆتا یونایتد و یارییەکە کاتژمێر 23:30 بە کاتی هەولێر لە یاریگای ئالیانز فیڵد دەکرێت.
