یاریگا –
هاندەرانی ریال مەدرید هێرشێکی گەورە دەکەنە سەر کەناڵی دازن (DAZN)ی خاوەن مافی گواستنەوەی یارییەکانی لالیگا.
ریال مەدرید بە گۆڵێکی ئاردا گولەر، یاریی شەوی رابردووی لە خێتافی بردەوە و بەردەوامی بە رکابەرییەکانی سەر نازناوەکەدا. بردنەوەکە کۆی خاڵەکانی ریال مەدریدی گەیاندە 72 خاڵ، بە جیاوازی چوار خاڵ لەگەڵ بارسێلۆنای پێشەنگ و 9 خاڵ لەگەڵ ئاتلێتیکۆ مەدریدی خاوەن پلەی سێیەم.
جیا لە ئەنجامی یارییەکە، رووداوێکی کاتی یارییەکە سەرنجی هەمووانی راکێشا و بەشێکی زۆری هاندەرانی ریال مەدریدی تووڕەکرد.
#GETAFEVSREALMADRID Sandra Arcas, que es madridista, se presta al mandato de sus jefes, esto no es acoso, a que viene ese balón de playa??. ES LAMENTABLE. DZAN DAS ASCO. @JesusBengoechea @norlex1508 @RichardDees @VozMadridista @BenzeFrank @Eurodisgustado @QuinteroCaliche pic.twitter.com/gZZ8Im67tP
— 🎯 ⓗⓤⓡⓐⓒⓐⓝ 🌐 ⓑⓛⓐⓝⓒⓞ ™ 15 🏆 (@JJPurriM) April 23, 2025
ساندرا دیاز، رۆژنامەنووسی کەناڵەکە دوای تەواوبوونی یارییەکە، لەگەڵ تۆپێکی نایلۆنی دەرکەوت و باسی یارییەکەی کرد، ئەمەش پرسیاری لای زۆربەی بینەران دروستکرد.
هاندەرانی ریال مەدرید لە ئاماژەکە تێگەیشتن، چونکە ماوەیەکی درێژە هاندەرانی زۆربەی ئەو تیمانەی بەرامبەر ریال مەدرید یاریی دەکەن، هوتافێک بە ناونیشانی (ڤینیسیۆس، تۆپی کەناردەریا) بەکاردەهێنن، وەکو گاڵتەجاڕییەک بە یاریزانەکە، چونکە بەزۆری تۆپە نایلۆنییەکە لە کەنار دەریای یاریی پێدەکرێت.
Van superando cotas de indecencia en la @DAZN_ES de @quimdomenech . Ahora dando vuelo y pábulo al acoso a Vinicius. De esta guisa salió Sandra Díaz Arcas @Sandradiazarcas, al descanso del #GetafeRealMadrid, para comentar los cánticos. Innecesario, como mínimo pic.twitter.com/qkoNMxbqAx
— Rafa RNMJ Real Madrid (@RafaRNMJ) April 23, 2025
دوای شکستهێنانی ڤینیسیۆس لە بردنەوەی خەڵاتی باڵۆن دۆر، ئەم دەستەواژەیە وەکو گاڵتەپێکردنێک لە دژی ڤینیسیۆس بەکاردەهێندرا و ئەمجارە رۆژنامەنووسەکە بابەتەکەی بەتەواوی نوێکردەوە.
