ئەستێرەیەک مانچێستەر یونایتدی جێهشت
یاریگا –
یانەی مانچێستەر یونایتد بەفەرمی رۆشتنی ئانتۆنی راگەیاند و هیوای بەختێکی باشتری بۆ خواست.
بەپێی راگەیەندراوێک لە پێگە فەرمیەکانی یانەکە، مان یونایتد رۆشتنی ئانتۆنی بۆ یانەی ریاڵ بێتیس راگەیاند.
پەیوەندیکردنی بە یانە ئەندەلووسیەکەوە بەشێوەی خواستنە و تا کۆتایی ئەم وەرزە دەبێت.
🇧🇷 @Antony00 has joined Spanish side Real Betis on loan until the end of 2024/25.
We wish him the best of luck 👊#MUFC
— Manchester United (@ManUtd) January 25, 2025
یاریزانە بەرازیلیەکە لە ساڵی 2022 بە گرێبەستێک کە بەهاکەی 86 ملیۆن پاوەند بوو، وەک دووەم گرانترین گرێبەست لە مێژووی شەیتانە سوورەکان راگەیەندرا کە ئەوکات لەسەر خواستی ئێریک تێن هاخی راهێنەری پێشووی لە یانەی ئایاکاس هەر لەو یانەیەوە گواسترایەوە بۆ ئۆڵدترافۆرد. بەڵام لە ئاستی چاوەڕوانیی هاندەرانی مان یونایتددا نەبوو.
بە هاتنی روبن ئامۆریم بۆ راهێنەرایەتی یانە ئینگلیزیەکە، ئانتۆنی هێندەیتر کورسینیشین کرا. بەجۆڕێک، لەم وەرزە لە سەرجەم پاڵەوانێتیەکاندا تەنها لە 407 خولەک بەشداریپێکرا و خاوەنی تاکە گۆڵێک بوو.
