ئینگلتەرا
لیڤەرپووڵ دەستبەرداری شاکیری نابێت
یاریگا- یانەی لیڤەرپووڵ نایەوێت لەم مانگەی گواستنەوەکانی زستانەدا دەستبەرداری شێردان شاکیری بێت.
یانەی ڕۆما ماوەیەکە هەوڵەکانی چڕ کردۆتەوە بۆ گواستنەوەی شاکیری لە ئانفیڵدەوە بۆ پایتەختی ئیتاڵیا، بەتایبەت دوای پێکانە سەختەکەی نیکۆلا زانیلۆی هێرشبەری گورەکان کە تا کۆتایی وەرز دادەبڕێت.
لە زۆربەی سەرچاوە جیاکانەوە و لە نێویاندا سکای سپۆرتس، ئەوەیان بڵاو کردۆتەوە کە ڕێدز نایەوێت شاکیری و هیچ یاریزانێکیتری هێڵی پێشەوەی یانەکە لەم ماوەیەدا لیڤەرپووڵ جێبهێڵن.
